Евразиялык экономикалык комиссияны Армениянын экс-премьер-министри жетектейт

© Sputnik / Павел Лисицын / Медиабанкка өтүүАрмениянын экс-премьер-министри Тигран Саркисян. Архив
Армениянын экс-премьер-министри Тигран Саркисян. Архив - Sputnik Кыргызстан
Жазылуу
Келерки жылдын 1-февралынан тарта Армениянын мурдагы премьер-министри Тигран Саркисян Евразиялык экономикалык комиссияны жетектейт.

БИШКЕК, 17-окт. — Sputnik. Жогорку экономикалык кеңештин жыйынында Евразиялык экономикалык комиссиянын (ЕЭК) иштөө форматын өзгөртүп, анын жаңы жетекчиси кылып Тигран Саргисянды дайындоо чечими кабыл алынды. Бул тууралуу ЕЭКтин маалымат кызматы билдирди.

Жума күнү Евразиялык экономикалык комиссиянын Жогорку жыйыны болуп, ага Армениянын президенти Серж Саргсян, Белоруссиянын президенти Александр Лукашенко, Казакстандын башчысы Нурсултан Назарбаев, Кыргызстандын презденти Алмазбек Атамбаев жана Россиянын президенти Владимир Путин катышты.

Атамбаев ЕЭК мүчөлөрүн кол саат менен сыйлады
Комиссиянын курамына ар бир мамлекеттен экиден өкүл кире турганы боюнча чечим кабыл алынлы. Башкача айтканда, төраганы кошкондо коллегиянын 10 мүчөсү болот.

Жогорку кеңештин чечими менен ЕЭКтин коллегиясынын төрагасы Тигран Саркисян болот. Учурда ал Армениянын АКШдагы элчиси болуп иштейт. Буга чейин ал Армениянын премьер-министри болуп эмгектенген.

ЕЭКтин учурдагы төрагасы Виктор Христенконун айтымында, Саркисян Армениянын Евразиялык экономикалык биримдикке кирүүсүндө активдүү аракеттерди көргөзгөн. Тигран Саркисян келерки жылдын 1-февралынан Евразиялык экономикалык комиссияны жетектейт.

Жаңылыктар түрмөгү
0