New York Times: АКШ ормон опузасын токтотушу керек

© REUTERS / Mike BlakeАКШнын желеги. Архив
АКШнын желеги. Архив - Sputnik Кыргызстан
Жазылуу
Америка бийлиги тарабынан бир нече жолу сынга алынган Россиянын Сириядагы аракеттери АКШга "Ислам мамлекетинин" көзөмөлүнөн сырткары турган аймактарда гана тартип орнотпостон, ИМдин согушкерлерин токтото алгыдай коалиция түзгөнгө да мүмкүндүк берет.

БИШКЕК, 14-окт. — Sputik. Cирияда сөзсүз утушка жетүүгө умтулгандын ордуна, АКШ жөнөкөйүрөөк эле максаттарды көздөп, ал жакта согушту азыраак жоготуулар менен бүтүрүүгө аракет кыла турган мезгил жетти деп жазышат баяндамачылар Гордон Адамс менен Стивен М. Уолт The New York Times үчүн макаласында.

Төрт жылдан бери Американын Сириядагы саясаты сириялык "орто" оппозицияга ашыкча жогору баа берүүгө негизделип келген. Эми ал Россия оюнга киришкенден тартып, АКШ өкмөтүнүн жасаганы бир жагынан Москваны сынга алып, экинчи жагынан аталган оппозицияга мурдагыдан да көп ишеним артуу менен эле чектелүүдө. 

"Россиялык президент Владимир Путиндин Крым менен Украинада жасагандары көпчүлүк америкалыктар менен европалыктарга жакпаса да, Москванын Сирияга кийлигишүүсү бул "саздан" алып чыга турган үмүттүн шооласы болушу мүмкүн", — деп айтылат материалда.

Журналисттердин пикиринде, россиялык президенттин туруктуу өкмөт менен коопсуздук гана сириялык качкындарды кайра үйлөрүнө кайтара алат дегени туура. 

Сирияда Вашингтон эки максатты көздөшү керек. Алар — өлкөнүн "Ислам мамлекетинин" көзөмөлүнөн сырткары турган аймактарда тартип орнотуу жана ИМдин согушкерлерин токтото алгыдай коалиция түзүү.

"Россиянын кийлигишүүсү бул экөөнө тең жетишүүгө мүмкүндүк берет", — деп эсептешет баяндамачылар.

Алардын айтымында, Россия Сирияда "чакырылбаган конок" эмес деп эсептешет.

Мамлекеттик Думанын эл аралык иштер боюнча комитет башчысы Алексей Пушков. Архив - Sputnik Кыргызстан
Пушков: АКШ "Жабык эшик" саясатын жүргүзүүдө
Авторлордун пикиринде Россия Сириядагы аракеттери боюнча АКШдан нукум алдыда. Ага жерден көрсөтүлгөн колдоо, алсыз бирок расмий күчүндө турган Дамаск менен байланыш, Иран жана Ирактын өкмөттөрү менен жүргүзүлүп жаткан анык иштер, ошондой эле бул эки мамлет менен тең чалгындоо маалыматтары менен өз ара алмашуу жөнүндө макулдашуу кирет. Акыркысына Ирандын "Хезболла" сыяктуу шериктештери да кошулушу мүмкүн. 

Россия менен тыгыз байланышта гана АКШ "Ислам мамлекетине" каршы туруп, акыры жок кыла алат деген ишеничте серепчилер. Ошондой эле алардын пикиринде Россия менен Американын кызыкчылыктары жарым-жартылай төп келиши бул маселени чечүүдөгү үмүт жаратуучу көрүнүш. 

"Америкалык бийлик Россия кийлигише баштаганы үчүн столду койгулаганын токтотуп, кансыз согуш артта калганын моюнга алышы керек. Мамлекеттик башкаруу деген жумуш бар, ошону менен алектенүү зарыл", — деп сөзүн жыйынтыктайт материалдын авторлору.

Ак үй имараты. Архив - Sputnik Кыргызстан
АКШ Россиянын Сириядагы аракеттерине карата өзүнүн шарттарын коё баштады
30-сентябрдан тартып Россия Башар Асаддын кайрылуусу менен Сириянын "Ислам мамлекети" жайгашкан жерлерге абадан сокку ура баштаган. Ошондон бери аскердик аба күчтөрү террористтерге эки жүздөй сокку уруп, 300гө жакын согушкерлерди, машыктыруучу лагерлерди, башкаруу пункттарын, курал-жарак сакталган жайларды жана башка объектилерди жок кылышты. Андан тышкары, Каспий деңиз күчтөрүнүн кемелери чыгарган 26 канаттуу ракета ИМдин объектилерине тийген.

Жаңылыктар түрмөгү
0