БИШКЕК, 13-окт. – Sputnik. Хиллари Клинтон BuzzFeed порталынын журналистеринин ал эмне үчүн тердебейт деген суроосуна жооп берип жатып, өзүн "адам эмесмин" деп тамашалады.
"Мен адам эмес экенимди силер биринчи билип койдуңар. Мени көп жыл мурун Пало-Альтонун (Силикон өрөөнүнүн тарыхый борбору, АКШ – ред.) бир гаражында чогултушкан. Өзүңөр билесиңер да, эл мунун баарын Билл Гейтс менен Стив Жобс ойлоп тапкан дешет. Бирок андай эмес. Айтайын дегеним, мени бир киши – анын атын айтканга болбойт – өз гаражында чогултуп жасап койгон", — деди ал.
Клинтон студияда софиттердин астында отурабы, презентация жүрүп жаткан үп бөлмөдөбү же спортзалда болобу, эч качан тердебей турганын журналисттер байкашкан. АКШнын президенттигине талапкер муну эл алдына чыгып сүйлөө боюнча 40 жылдык тажрыйбасы менен түшүндүрдү.
