Бир суткада 12 миң жолу чүчкүргөн америкалык кыздын дартына даба табылбай жатат

© Sputnik / Илья Питалев / Медиабанкка өтүүТез жардам автоунаалыры. Архив
Тез жардам автоунаалыры. Архив - Sputnik Кыргызстан
Жазылуу
АКШ дарыгерлери бир суткада 12 миң ирет чүчкүргөн кызды кандай дарылай турганын билбей баштары маң болууда. Бала уктап алсын деп ага ата-энеси алергияга каршы дарыларды берип келишет.

БИШКЕК, 9-окт. — Sputnik. Американын Техас штатында дарыгерлер бир күндө 12 миң жолу чүчкүргөн тестиер кыздын эч айласын таба албай жатканын CBS телекомпаниясы билдирди.

12 жашар Кэтлин Торнли бир мүнөттө 20 жолу чүчкүрүп, ал уктаганга чейин уланат. Уйкусу тынчыраак болушу үчүн кыздын ата-энеси ага атайы дары-дармек берүүгө аргасыз.

"Алгач аллергия болуп жаткан экемин деп ойлогом. Эми ичим ооруп калып жатат. Алым кетип калгандыктан, басканда да кыйналам", — деди Торнли.

Сауд Аравиясында короновирустан кары адам каза болду
Кызды ата-эне алты түрлүү дарыгерге көрсөткөн, анын бири да дарттын себебин таба алган эмес. Бирок аллергия экенин жокко чыгарышкан.

Түшүнүксүз илдеттен улам Кэтлин мектепти таштоого мажбур болду. Мындан тышкары, өзү кларнет ойноочу мектептин ансамблине да барбай калды.

Торнлинин айтымында, ал жайбаракат уктасам деп тилейт, анткени уктап жатып да түшүндө чүчкүрүп жаткан болот.

CBS телекомпаниясынын маалыматы боюнча, уктар алдында Кэтлин бенадрил аттуу дары ичип, Beatles тобун угат. Ал арада ата-эне чүрпөсүн дарттан арылта турган адис табыларына үмүттөнүп келет.

Жаңылыктар түрмөгү
0