ЖМК: сириялык күрддөр журналист чалып жыккан качкын согушкер болчу деп жазышты

© AFP / JOSEP LAGOОсам Абдулла Мохсен. Архив
Осам Абдулла Мохсен. Архив - Sputnik Кыргызстан
Жазылуу
Сириялык күрддөр бүт дүйнөгө журналисттен ыдык көрүп сүрөтү тараган, кийин Испанияда машыктыруучулукка алынган качкын Осам Абдулла Мохсен "Жебхат ан-Нусра" террордук уюмунун согушкери деген маалыматты жазып чыгышты.

БИШКЕК, 25-сен. — Sputnik. Венгер журналисти чалып жиберип, баласы менен жерге жыгылган сириялык качкынды мекендештери "Аль-Каиданын" согушкерлеринин бири экенин таанышты деп билдирди International Business Times. 

Осам Абдулла Мохсен Венгрия менен Сербиянын чек арасындагы Реске лагеринен качып бара жатканда европалык репортер Петра Лазло чалып жыккандан кийин, бүт дүйнөгө сүрөттөрү тараган. Журналист бул окуядан кийин иштен чыгарылып, ал эми Мохсен Испанияда футбол командасына машыктыруучулукка кызматка алынган. 

Өз өлкөсүндөгү согуштан качкан мигранттар Венгриядагы атайы лагерьге чуркоодо. - Sputnik Кыргызстан
Венгриялык журналисттин качкындардын балдарын тепкилеп жатканы видеого түшүп калган
Бирок, бул сүрөттөрдөн кийин күрддөрдүн "Демократиялык союз" партиясы качкын Мосхен "Аль-Каиданын" сириядагы бир канаты "Жебхат ан-Нусра" террордук уюмунун согушкери деген маалыматты билдиришкен. Алар далил катары анын социалдык тармактардын бириндеги киийнчерээк өчүрүп салынган баракчасынан алынган скрин-шотту таап чыгышкан. Баракчада ал өзүн аталган уюмдан чыккандыгын жазган. 

Сириялык күрддөр муну менен катар эле аны 2004-жылы Эль-Камышлы шаарында болгон башаламандыкты басууга катышкан, ал окуяда 50 күрд өлгөн деп күнөөлөштү. 

Евробиримдик (ЕБ) учурда экинчи дүйнөлүк согуштан кийинки миграциялык кризисти башынан өткөрүп жатат. Жыл башынан бери ЕБдин аймагына 500 миң мигранттар кирген болсо, учурда анын агымы азырынча токтолбой, миңдеген кишилер баш паанек издеп барууда.

Жаңылыктар түрмөгү
0