Робертс: Греция АКШнын Евразиядагы үстөмдүгү жөнүндө доктринасын кыйрата алат

© Sputnik / Владимир Песня / Медиабанкка өтүүГрециянын желеги. Архив
Грециянын желеги. Архив - Sputnik Кыргызстан
Жазылуу
Грециянын парламенти Европа биримдигине альтернатива катары Россияны тандап ала турган болсо, аны Испания менен Италиянын бийлиги ээрчип, натыйжада Американын Европадагы гегемониясы кыйроого учурайт деп эсептейт америкалык саясат таануучу Пол Крейг Робертс.

БИШКЕК, 13-апр. — Sputnik. Греция бийлигинин Россия менен Кытай тарапка жүзүн буруп кетиши АКШнын аймакта көзөмөлүн жоготушуна алып келери толук ыктымал деген америкалык саясат таануучу жана экономист Пол Крейг Робертстин оюн билдирет РИА Новости.

Штаттардын эрдемсинип, өзүнүн "алмашкыстыгына" ишеничи жүз миллиондогон адамдарга үзгүлтүксүз коркунуч жаратып турат деп эсептейт саясат таануучу, анткени агрессия АКШ менен ага көз каранды Европа мамлекеттериннин XXI кылымдагы саясатын айырмалап турчу өзгөчөлүгү болуп эсептелет.

"XXI кылымда Вашингтон тарабынан өлтүрүлгөн сан түмөн адамдар "терроризмге каршы согушту коштогон жоготуулардын" эсебине кирип калды", — деген Робертс терроризмом — болгону АКШнын дүйнөлүк үстөмдүгүн каалаган америкалык неоконсерваторлор ойлоп тапкан калп деп кошумчалайт.

Бирок саясатчы ырастагандай, адамзат мындан ары Батышка үмүт кыла албайт.

Европа биримдигинин башка мамлекеттери менен Американын инвестициялык фонддорунун талап-тоноолоруна туш болуп жаткан Түштүк Европа өлкөлөрү жөнүндө айтып жатып, Робертс ЕБга мүчө болуу келечегине сокур үмүт менен караган Европа эли аймактагы мамлекеттердин өз алдынчалуулугун жок кылууга багытталган бул "эксплуататордук системадан" чыгуулары керек деп эсептейт.

Жана, деп жазат эксперт, Греция мындай кадамга батынып бара алса, Италия менен Испаниянын да бийлиги андан үлгү алмакчы.

"Күчтүү Россия Кытай сыяктуу эле альтернатива боло алат", — дейт Робертс. Ошондой эле бул эки мамлекет батыш өлкөлөрүнөн айырмаланып, банкрот эместигин белгилейт ал. 

Чыгыш Европа мамлекеттерисиз НАТО тарыхка айланып, ал эми Вашингтондун Евразияны көзөмөлдөшү тууралуу Збигнев Бжезинский менен башка неоконсерваторлордун доктриналары жокко эсе болот деп эсептейт саясат таануучу. Түндүк атлантикалык альянс болбосо, АКШнын дүйнөлүк коомчулуктун атынан иш кылып жатам дегени жалган угулуп калат деп кошумчалайт ал.

Жаңылыктар түрмөгү
0