ЖМК: массалык дезертирликтин себебинен ИМде жан кечерлер жетишпей жатат

© AFP / BARAA AL-HALABIЧлен джихадистов группы Фронт ан-Нусра стоит на одной из улиц северной сирийском городе Алеппо
Член джихадистов группы Фронт ан-Нусра стоит на одной из улиц северной сирийском городе Алеппо - Sputnik Кыргызстан
Жазылуу
ИМ шахиддеринин бөлүктөрү Кобани шаары үчүн согушта чоң жоготууларга учурап, курддардын пешмерга куралчандарынын кысымы астында артка чегинүүгө аргасыз болушту.

БИШКЕК, 10-фев — Sputnik. Жардыруучу-жан кечерлердин көпчүлүгү экстремисттердин катарынан кетип жаткандыгына байланыштуу "Ислам мамлекети" (ИМ) тобу "кадрлык жетишсиздикке" дуушар болууда деп жазат дүйшөмбүдө Daily Mail гезити Сириянын согушчандар борбору деп жарыяланган Эр-Ракка шаарындагы маалымат булагына таянуу менен.

Басылманын маектеши ИМ шахиддеринин бөлүктөрү Кобани шаары үчүн согушта чоң жоготууларга учурап, курддардын пешмерга куралчандарынын кысымы астында артка чегинүүгө аргасыз болушту деп билдирген. Андан тышкары, АКШ башчылык кылган эл аралык коалициянын улантылып жаткан аба соккулары топтун катарындагы жан кечерлердин көп сандап качууларына алып келди. 

Эр-Ракканын тургуну жана исламисттерге каршы активист Абу Мохаммед ИМ башчылары шахиддердин качууларына бөгөт коюш үчүн шаарды тегерете тозотторду жыш орноткондугун айтты.

"Эр-Раккада абдан тынч эмес. Акыркы күндөрү ИМдин катарынан көпчүлүгү качып жатат, муну кабарлаган топтун мүчөсү качкандардын көбү жан кечтилер экенин айтты", — деп кошумчалады ал.

На месте взрыва в Багдаде, 7 февраля 2015 - Sputnik Кыргызстан
Сирия менен Ирактагы окуялар сырткы кийлигишүүдөн болуп жатат деп эсептейт Путин
"Ислам мамлекети" (ИМ) террористтик уюму Сирия менен Ирактын өзү басып алган жерлеринде өткөн жылдын жайында "халифат" орнотулду деп жарыялаган. ИМ Сириянын аймагында мамлекеттик күчтөргө каршы аракеттердин жүрүшүндө абдан чоң күч топтоп, эң ырайымсыз деген атка конгон. Согушчандардын аракеттеринин натыйжасында бир нече миң карапайым тургун каза таап, жүз миңдеген адамдар качкынга айланып, дагы бир нече миңи барымтада жатат. 

23-сентябрдан тартып АКШ шериктештеринин колдоосу менен ИМдин Сирияда жайгашкан жерлерине абадан сокку ура баштаган, ушундай эле иш-аракеттер август айынан тартып Иракта да жүрүп жатат. Ошол эле учурда Вашингтон авиацияны Сирия бийлигинин уруксаты жок эле колдонууда.

АКШ "Ислам мамлекети" менен кандайча күрөшкөнү жатат

"Ислам мамлекетин" жок кылуу боюнча АКШнын аскердик кампаниясы үч баскычтан турат деп билдирет New York Times гезити. Биринчи баскычына террористтердин күчтөрүнө каршы абадан сокку уруу кирет. Экинчи баскычы ирактыктар менен курддардын, ошондой эле, мүмкүн, суннит урууларынын куралдуу күчтөрүн машыктырууга жана жабдууга багытталат. Үчүнчү баскычта болсо согушчандарды Сирияда жайгашкан жерлеринде жок кылуу божомолдонгон; бул Обама кеткенден кийин келүүчү администрация тарабынан ишке ашырылышы мүмкүн.

Жаңылыктар түрмөгү
0