Африканын Туниси жакын арада Бажы биримдигине кошулууну каалайт

© Фото / Paul LivingstoneАрхив: Тунис
Архив: Тунис - Sputnik Кыргызстан
Жазылуу
Тунистин Россиядагы ыйгарым укуктуу элчиси Али Гутали аталган мамлекет жакын арада Бажы биримдиги менен эркин соода аймагын түзүүгө кызыкдар экенин билдирди.

БИШКЕК, 15-янв — Sputnik. Тунис жакын арада Бажы биримдигине кошулууну мелжеп жатканын Тунистин Россиядагы элчиси Али Гутали "Россия сегодня" эл аралык маалымат агенттигинде болгон маалымат жыйында билдиргенин РИА Новости жазды.

"Бажы биримдиги – бул өтө маанилүү түзүм. Андыктан биз эркин соода аймагын түзүү менен аталган биримдикке кирүүнү каалайбыз. Биз евразиялык коомчулук менен мындай аймакты түзүүнү колдойбуз. Керектүү чараларды кабыл алдык, бирок ал убакытты талап кылат", — деди ал.

Элчинин айтымында, тунистиктер биримдикке кирүү үчүн сурам жөнөтүшкөн. 

"Биз муну оптимизм менен карап жана жакын арада биримдиктин мүчөсү болууну мелжеп жатабыз", — деп кошумчалады ал.

Кыргызстандын Евразиялык экономикалык биримдикке кирүүсү боюнча документке кол коюлду
Евразиялык экономикалык биримдик 2015-жылдын 1-январынан тарта евразиялык интеграциянын алкагында Россия, Казакстан жана Беларусь кирген Бажы биримдигинин базасында түзүлөт. Постсоветтик мамлекеттердин экономика тармагында мамлекеттер аралык интеграция алкагында кызматташуу 1990-жылдардын аягынан эле башталган. 1999-жылдын 26-февралында Кыргызстан, Казакстан, Беларусь, Россия жана Тажикстан Бажы биримдиги жана Бирдиктүү экономикалык аймак боюнча келишимге кол коюшкан.

Жаңылыктар түрмөгү
0