05:27 25 Бугу 2017
Түз эфир
Обучение студентов в Омской медицинской академии

КРдин студенттери эки диплом биздин жана Россиянын дипломдорун ала алат

© Sputnik / Алексей Мальгавко
Дүйнөдө
Кыскача шилтеме алуу
37 0 0

Кемеров шаарында өткөн семинарда Россия менен Кыргызстандын ортосунда илимий изилдөө, студенттер менен өз ара алмашуу, окутуунун түйүндүк ыкмасы жана биргелешкен билим берүү программаларын иштеп чыгуу тармагында келишимдер түзүлдү.

БИШКЕК, 24-дек — Sputnik. Кемеров шаарында (РФ) өткөн "Евразиялык интеграция алкагында Россиянын, Кыргызстандын жана Тажикстандын цивилизациялык өнүгүүсү" илимий-практикалык семинарында РФ менен Кыргызстандын ортосунда кызматташтык жөнүндө келишимдерге кол коюлду деп билдирди шейшембиде "Биримдик" коомдук фондунун аткаруучу директору Олег Сернецкий.

Семинар 2014-жылдын 15 – 16-декабрында Россия Федерациясынын Билим берүү жана илим министрлигинин колдоосу астында Кемеров шаарындагы Азык-түлүк өнөр жай технологиялык институтунда өттү.

Семинарга Россиянын, Кыргызстандын жана Тажикстандын билим берүү тармагынын элүүдөн ашык өкүлү келди. КРден бул иш-чарага окумуштуулар, окутуучулар, чиновниктер жана жарандык коомдун өкүлдөрү катышты.

Сернецкий белгилегендей, семинарда евразиялык интеграциянын тарыхый аспекттери, анын жаралуу жана өнүгүү булактары жөнүндө кеп козголду.

"Байыртан эле Евразия континентинде соода-сатык жана маданий карым-катнаш жандуу жана жемиштүү жүргүзүлүп келгенди баарыбызга маалым. Жана бүгүнкү күндө бул кызматташтык Кыргызстандын ЕЭБге кириши менен өзгөчө мүнөзгө ээ болууда", — деди коомдук ишмер.

Жолугушуунун жүрүшүндө Россия менен Кыргызстандын, Россия менен Тажикстандын, Кыргызстан менен Тажикстандын ортосунда илимий изилдөө, студенттер менен алмашуу, окутуунун түйүндүк ыкмасы жана биргелешкен билим берүү программаларын иштеп чыгуу тармагында келишимдер түзүлдү.

"Семинардын жыйынтыктары боюнча биздин өлкөнүн үч жогорку окуу жайы — Раззаков атындагы Кыргыз мамлекеттик техникалык университети, Ош техникалык университети жана Скрябин атындагы Кыргыз улуттук айыл-чарба университети Кемеров азык-түлүк өнөр жай технологиялык институту менен кызматташуу жөнүндө келишимдерди жана макулдашууларды түздү. Мисалы, эми биздин студенттер бизде эки жыл окугандан кийин өз билимин Кемеровдо улантып, жогорку билими тууралуу эки — Россиянын жана биздин дипломду ала алышат. Ошону менен бирге алар азык-түлүк өнөр жайы боюнча биргелешип түзүлгөн ишканаларга орношууга мүмкүндүк алышат", — деп белгиледи Сернецкий.

Мындан сырткары, жогорку окуу жайлары аралыктан билим берүү боюнча да кызматташа турган болду, бул илимий изилдөө тармагы үчүн өтө маанилүү деп белгиледи окумуштуу. Анын айтымында, студенттер менен изилдөө иштерин жүргүзүүчү биздин окутуучулар өз кесиптештери менен илимий ачылыштар боюнча маалымат алмашууларды жүргүзүп, илимий эксперименттерин Кемеров институтунда улантууга мүмкүндүк алышат.

Жыйынтыктап жатып, мындай деңгээлдеги жана көлөмдөгү окуялар эл аралык илимий коомчулукту жаңы билимдер менен байытып, аталган иш чөйрөсүнүн өткөндөгү салттарын эске салып, учурда бар эреже-тартиптерин көрсөтүп жана келечекте өнүгүү багытын белгилейт деди семинардын катышуучусу.

Тема боюнча

ММУ Европанын өнүгүп келе жаткан өлкөлөрүнүн мыкты окуу жайы деп аталды
Россия кыргызстандык студенттер үчүн билим берүү квотасын көбөйттү
Белгилер:
Илим, Скрябин атындагы Кыргыз улуттук айыл-чарба университети, Ош техникалык университети, Раззаков атындагы Кыргыз мамлекеттик техникалык университети, Студент, Окутуучу, Окумуштуу, Кемерово

ЭҢ МААНИЛҮҮ

  • Дарыканада кезекте турган адамдар. Архив

    Бахила сатып алууга мажбурлоо менен медициналык мекемелер 100 миңге чукул каражат табарын көпчүлүк этибарга албаса керек. А бирок, ооруканаларга баш баккандардан акча өндүрүүгө министр тыюу салган. Биздин колумнист жана кабарчыбыз Максат Элебесов бул көрүнүшкө көз жуумп кое албастан, иликтеп чыккан.

    528
  • Жогорку Кеңештин депутаты жана мурдагы журналист Каныбек Иманалиев НТС каналынын Кайгуул ТВ программасынын алып баруучусу, журналист, Азият Жекшеевден интервью алды.

    Биз окурмандарга башкача өңүттөгү маектерди тартуулоого ниеттендик. Бул рубрикабызда интервьюну журналисттер эмес, алардан саясатчылар алат. Төмөндө Жогорку Кеңештин депутаты жана мурдагы журналист Каныбек Иманалиевге НТС каналынын "Кайгуул ТВ" программасынын алып баруучусу, журналист, Азият Жекшеев интервью берди.

    1525
  • Республикалык кан борборунун жетекчисинин орун басары Айганыш Сатыбалдиева

    Кырсык менен оору айтпай келет. Өлүм алдында жаткан адамга жардам берүүнүн жолу ар түрдүү. Маселен, сенин тамырыңда айланып жаткан кан башка бирөөнүн жүрөгүнө жетиши мүмкүн. Донорлуктун жол-жобосу тууралуу журналист Гүлдана Талантбекова билип көрдү.

    276