05:27 25 Бугу 2017
Түз эфир
Книги на столе листают

Эл аралык адабий "Русская премия" калыстар курамын жарыялады

© Sputnik / Табылды Кадырбеков
Дүйнөдө
Кыскача шилтеме алуу
16 0 0

Сынакка чыгармалар үстүбүздөгү жылдын 30-ноябрына чейин кабыл алынып,анын онунчу ирет ыйгарылышынын лауреаттарынын ысымдары 2015-жылдын апрелинде Москва шаарында жарыяланат.

БИШКЕК, 13-ноя — Sputnik. Чет өлкөдө орус тилинде жазган чеберлердин мыкты чыгармаларын белгилей турган эл аралык адабий "Русская премия" сынагынын калыстар курамы белгилүү болду деп билдирет аталган сыйлыктын басма сөз кызматы. Бул туурасында РИА Новости маалымдады.

"Русская премия" эл аралык адабий сынак дүйнөлүк маданияттын кайталангыс көрүнүшү катары орус тилин сактоо жана өнүктүрүү максатында, о.э. дүйнөнүн орус тилдүү жазуучуларын колдоо ниетинде 2005-жылы уюшулган. Өткөн жолкуда "Поэзия" наамында биринчи орунду Симферополдон Андрей Поляков утуп алган, "Чакан проза" наамында биринчи сыйлык Алматыдан Илья Одеговго ыйгарылган, ал эми "Көлөмдүү проза" наамы боюнча Минскиден Саша Филиппенко лауреат болгон. Атайын сыйлыкты франциялык адабий тарыхчы, славян тилдери боюнча адис, котормочу Жорж Нива алып кеткен.

"Жазуучулар Герман Садулаев (Россия) жана Елена Скульская(Эстония), адабий сынчы жана котормочу Борис Кузьминский (Россия), акын жана "ШО" журналынын башкы редактору Александр Кабанов (Украина) калыстар тобунун мүчөсү катары сынак менен кызматташтыгын улантышууда", — деп айтылат билдирүүдө. Уюштуруу комитетинен билдиргендей, бул жолу калыстар тобунун жаңы мүчөлөрү "Дружба народов" журналынын башкы редактору Александр Эбаноидзе (Россия) жана "Русская премия" сыйлыгына буга чейин эки ирет ээ болгон — акын, түрк жана европа элдеринин поэзияларынын котормочусу Вячеслав Шаповалов (Кыргызстан), о.э. даниялык "Жаңы жээк" журналынын башкы редактору Андрей Назаров болот.

Сынакка чыгармалар үстүдөгү жылдын 30-ноябрына чейин кабыл алынат. Сынактын онунчу ыйгарылышынын лауреаттарынын ысымдары 2015-жылдын апрелинде Москва шаарында жарыяланат. Ар бир наам боюнча жеңүүчүлөр 150 миң рубль сыйлык алышат, ал эми экинчи орунду ээлегендерге 60 миң жана үчүнчү орунду ээлегендерге 45 миң рубль ыйгарылат. Атайын сыйлыктын ээси үчүн 45 миң рубль каралган.

"Русская премия" ыйгарылып келе жаткан тогуз жыл ичинде дүйнө өлкөлөрүнөн 73 жазуучу жана 19 акыны сынактын лауреаттары болду. Алардын арасында Бахыт Кенжеев, Наталья Горбаневская, Борис Херсонский, Анастасия Афанасьева, Маргарита Меклина, Марина Палей, Владимир Лорченков, Мариам Петросян, Дина Рубина ж.б. бир топ чыгармачыл адамдар бар.

Белгилер:
Борис Кузьминский, Герман Садулаев, Русская премия

ЭҢ МААНИЛҮҮ

  • Дарыканада кезекте турган адамдар. Архив

    Бахила сатып алууга мажбурлоо менен медициналык мекемелер 100 миңге чукул каражат табарын көпчүлүк этибарга албаса керек. А бирок, ооруканаларга баш баккандардан акча өндүрүүгө министр тыюу салган. Биздин колумнист жана кабарчыбыз Максат Элебесов бул көрүнүшкө көз жуумп кое албастан, иликтеп чыккан.

    528
  • Жогорку Кеңештин депутаты жана мурдагы журналист Каныбек Иманалиев НТС каналынын Кайгуул ТВ программасынын алып баруучусу, журналист, Азият Жекшеевден интервью алды.

    Биз окурмандарга башкача өңүттөгү маектерди тартуулоого ниеттендик. Бул рубрикабызда интервьюну журналисттер эмес, алардан саясатчылар алат. Төмөндө Жогорку Кеңештин депутаты жана мурдагы журналист Каныбек Иманалиевге НТС каналынын "Кайгуул ТВ" программасынын алып баруучусу, журналист, Азият Жекшеев интервью берди.

    1525
  • Республикалык кан борборунун жетекчисинин орун басары Айганыш Сатыбалдиева

    Кырсык менен оору айтпай келет. Өлүм алдында жаткан адамга жардам берүүнүн жолу ар түрдүү. Маселен, сенин тамырыңда айланып жаткан кан башка бирөөнүн жүрөгүнө жетиши мүмкүн. Донорлуктун жол-жобосу тууралуу журналист Гүлдана Талантбекова билип көрдү.

    276