Кумга батып калган киттерди эл баарылап куткарып калды. Видео

Жазылуу
Буэнос-Айрес провинциясына (Аргентина) жакын жайгашкан La Lucila del Mar шаарында океандын жээгине эки күн катары менен чыгып калган киттерди жергиликтүү эс алуучулар, адистер жапырт аракет кылып жатып сактап калган.
Куткаруу операциясына 30га чукул киши катышканы айтылды.
Биринчи күнү жээктеги кумга узундугу 9,8 метр, салмагы сегиз тонналык жаш ургаачы кит батып калган. Экинчи күнү андан кичирээк, жети тонналык эркек кит келип, чыга албай калган.
"Бир эле китти чыгаруу абдан оор жумуш. Ал эми эки китти куткаруу оңойго турган жок. Fundación Mundo Marino экологиялык уюмунун кызматкерлери жана адистери келген. Алардын жардамы менен бир топ жаныбарлар тирүү калган. Биринчи ургаачы китти аман алып калышкан. Жергиликтүүлөр ири суу жаныбарын дыкаттык менен ордунан оодарып, суу канаттарын шилтегендей кылып ылайыкташтырууга аракет кылышкан", — деп жазды "National Geographic Россия" сайты.
Ага жергиликтүү эл, жээктеги куткаруу кызматынын офицерлери, өрт жана пляж куткаруучулары катышкан.
Экинчи кит кургакта көп кармалган эмес. Аны да мурункусундай кылып куткарышкан. Адистер акыркы мезгилдерде ири деңиз жаныбарлары жээктеги кумга келип батып калган учурлар көп болгондуктан, куткаруучулар улам тажрыбайлуу болуп бара жаткандыгын айтышкан.
Жаңылыктар түрмөгү
0