Афганистанды багынткан талибдер. Өлкөдөгү кырдаалды көрсөткөн видео

Жазылуу
Ушул жылдын август айында "Талибан"* кыймылы Афганистанды басып алып, жаңы өкмөт түзүп, өлкөдө өз бийлигин жүргүзө баштады. Согушкерлердин мындай кадамынан кийин көптөгөн жай тургундар өлкөнү таштап кетүүгө аракет кылышкан.

"Талибан"* кыймылы радикалдык исламга жакын болгондуктан афгандыктардын көбү алардан чочулоодо. Жай тургундар аларды мурдагыдай катуу чектөө коет деп ойлоп, ошол учурдагы эрежелердин кайра кирүүсүнөн коркуп жатканын айтышкан.

Бирок кыймыл жарандардын укугу менен эркиндигин камсыз кылып беребиз деп убадалап жатат.

Пуштундар Афганистандын эгемендүүлүгүнө карата арналган парадда басып бара жаткан учур. Кабул, 1964-жыл - Sputnik Кыргызстан, 1920, 03.09.2021
Талибдер таржымалы: ок ойногон жылдар, Кыргызстандын арага түшүү ниети
Августтун башында "Талибан"* кыймылы активдешип, Афганистандын өкмөттүк күчтөрүнө чабуул кое баштаган. 2021-жылдын 15-августунда борбор шаары Кабулга кирип, президенттик сарай алардын көзөмөлүндө калган. Ал эми 16-августта Афганистандагы согуш аягына чыкты деп жар салып, жакын арада өлкөнүн башкаруу формасы аныкталарын айтышкан. 31-августка караган түнү АКШ аскерлери буга чейин көзөмөлүндө турган Кабул аэропортун таштап чыгып кетишти.

Панжшер провинциясы Афганистанда талибдерге каршылык көрсөтүп жаткан жалгыз аймак болчу. Бирок 6-сентябрда талибдер бул аймакты да толугу менен көзөмөлүнө алганын жар салды.

Жаңылыктар түрмөгү
0