Артем Новиков аскердик наам алды. Видео

Жазылуу
Россия-кыргыз өнүктүрүү фондунун башкаруучулугунун төрагасы Артем Новиков мөөнөтүнөн мурда запастагы улук-лейтенант аскердик наамына ээ болду.

Ага коргоо министри Таалайбек Өмүралиев погондорду тапшырып жаткан видео Facebook социалдык тармагына жүктөлдү.

"Баткен облусундагы чек ара окуяларын жөнгө салууда күч органдарынын ишин координациялоо жана башка мамлекеттик органдардын, мекемелердин ишинин жакшырышына кошкон салымы үчүн кезектеги аскердик наам мөөнөтүнөн эрте берилет", — деди Өмүралиев.

Ал мындай наамды айтылуу космонавт Юрий Гагарин жана Артем Новиков гана алганын кошумчалады.

Эске салсак, ушул жылдын жаз айларында Новиков вице-премьер кызматын ээлеп турган. Ошол мезгилдеги Баткен окуялары учурунда жерине барып иштеген. Агезде премьер-министр Улукбек Марипов чет өлкөгө иш сапары менен кеткен. Новиков кырдаалды жөнгө салып, жергиликтүү эл менен сүйлөшүү иштерин жүргүзүп, ыкчам жыйындарды өткөрүп турган.

Церемонии награждения государственными наградами Кыргызской Республики за особый вклад в развитие страны - Sputnik Кыргызстан, 1920, 31.08.2021
Борбиев, Казаков, Темирова. Наам алган маданий ишмерлер. Тизмеси
Кыргыз-тажик чек арасы чектешкен жер тез-тезден конфликт чыккан аймакка айланган. Анын негизги себеби – делимитацияланбаган аймактар болуп жатат. 2021-жылдын апрель айында "Головной" суу бөлүштүрүүчү жайынан чыккан чыр куралдуу кагылышууга алып келген. Анын кесепетинен 36 кыргызстандык набыт болуп, 200 жаран жабыркаган. 300дөй үй менен инфраструктуралык объект өрттөлүп, талкаланган. Тажикстан 19 киши каза таап, 87 адам жаракат алганын айткан. 30-апрелде тараптар элдешип, ок атууну токтоткон.

Жаңылыктар түрмөгү
0