21:50 01 Бештин айы 2021
Түз эфир
  • USD84.7969
  • EUR95.9477
  • RUB1.1463
Видео

Месси жаңы командасы менен алгачкы жолу оюн талаасына чыкты. Видео

Кыскача шилтеме алуу
367 0 0
© YouTube / PSG - Paris Saint-Germain

Белгилүү футболчу Лионель Месси Франциянын "Пари Сен-Жермен" футбол клубу менен алгачкы жолу оюн талаасына чыкты.

Франция чемпионатынын төртүнчү турунун алкагында ПСЖ менен "Реймс" командалары ойногон. Анда аргентиналык Месси оюндун 66-мүнөтүндө бразилиялык Неймарды алмаштырды.

Париж футбол клубу өзүнүн YouTube каналына жарыялаган видеодон белгилүү оюнчуну күйөрмандары кубануу менен тосуп алганын, атаандаштары аны жылуу кабыл алгандыгын көрүүгө болот. Ал беттеште "Пари Сен-Жермен" 2:0 эсебинде каршылаштарын жеңди.

Эске сала кетсек, Месси буга чейин түзүлгөн келишиминин каржылык маселелеринен улам "Барселона" менен иштөөнү уланткан эмес. Ал эркин оюнчу катары 10-августтан тарта ПСЖ менен иштеше баштаган.

Аргентиналык футболчу өзүнүн спорттук карьерасын 2004-жылы "Барселонада" баштап, ал команда менен он жолу Испания чемпионатын, жети жолу Испания кубогун утуп, төрт жолу чемпиондор лигасында жеңүүчү болгон.

Тема боюнча

Криштиану Роналду таң калтырып Англиянын "Манчестер Юнайтед" клубуна өттү
Белгилер:
Лионель Месси, ФК "Пари Сен-Жермен", футбол, видео

Дагы видео

ЭҢ МААНИЛҮҮ