Меркелдин мантияны кие албай бир топко убара болгон видеосу

Жазылуу
Германиянын канцлери Ангела Меркель АКШдагы Жон Хопкинс университетинин ардактуу доктору наамын алып, сыйлык тапшыруу аземинде ыңгайсыз абалга туш болду. Окуянын видеосун RT телеканалы жарыялады.
Университеттин сайтында жазылгандай, окумуштуулук даража Меркелдин АКШга болгон расмий сапарында ыйгарылган. Сыйлык тапшыруу аземи Вашингтондогу эл аралык изилдөө мектебинде болгон.
Окуу жайдын президенти Рональд Дэниэлстин айтымында, университет наамды канцлердин Германияда демократиянын сакталышына салымын кошконун баалап, ыйгарган.
"Меркель өлкөдө улутчулдук жана изоляция күчөп турган маалда да адам укугун ачык коргогон", — деген ал.
Диплом менен мантияны Меркелге окуу жайдын президенти өз колу менен тапшырган. Дал ошол сыйлык тапшыруу аземинде канцлер менен Рональд Дэниэлс бүтүрүүчүнүн лентасын тага албай бир топко чейин убара болуп, аягында аны Меркелдин мойнуна жөн эле илип коюшкан. Ыңгайсыз абалга калган Германиянын саясатчысы мындай кийимди кие албай турганын белгилеген.
Жаңылыктар түрмөгү
0