02:33 25 Кулжа 2021
Түз эфир
  • USD84.6625
  • EUR100.9643
  • RUB1.1706
Видео

Ташиев: тажик тарап менен макулдаштык, Чоң-Алайдагы аскерлер артка кетет. Видео

Кыскача шилтеме алуу
4376 0 0

Жолугушуу кыргыз-тажик чек арасында өткөн. Ташиев келишимде эмне жазылгандыгы боюнча кийинчерээк расмий маалымат бериле тургандыгын айтты.

Чоң-Алайдагы кыргыз-тажик чек арасында турган аскерлерин артка тартуу боюнча макулдашылды. Бул тууралуу УКМК төрагасы Камчыбек Ташиев журналисттерге сүйлөшүүнүн жыйынтыгын айтып жатып билдирди.

Анын айтымында, Тажикстандын Улуттук коопсуздук мамлекеттик комитетинин төрагасы Саймумин Ятимов менен бүгүн да жолугуп, эки тараптуу келишимге кол коюлган.

Жетекчилердин жолугушуусу кыргыз-тажик чек арасында өткөн. Ташиев келишимде эмне жазылгандыгы боюнча кийинчерээк расмий маалымат бериле тургандыгын билдирди.

"Ятимов менен бирге сүйлөшүүлөрдү жүргүзүп келдик. Кечээ күнкү жолугушуу майнапсыз болгон. Ошонун негизинде биз элди көчүрүүгө мажбур болгонбуз. Бирок бүгүн, 5-июнь күнү, кайрадан жолугушуп, протокол кабыл алдык. Анын жыйынтыгын эки сааттан кийин коомчулукка жарыялайбыз. Ал жерде 7-8 пунктудан турган келишим бар. Ага ылайык, Чоң-Алайга тартылган куралдуу күчтөрдүн баарын азыр артка кайтарууга буйрук берем", — деди Ташиев.

Ошондой эле ал Унжу-Булакта чек арачылардан башка бир дагы аскер күчү калтырылбай турганын айтты.

Белгилей кетсек, 4-июнга караган түнү саат 03:00дөр чамасында тажик тарап Чоң-Алай районундагы Унжу-Булак аймагындагы такталбаган жерге 1000 метрге чейин кирип келип, контейнер коё баштаган. Ошол эле учурда тажик аскерлери автоунаа жана жеңил брондолгон техникалары менен топтолгону байкалган.

Кыргыз өкмөтү муну менен буга чейин жетишилген кыргыз-тажик чек арасын делимитациялоо жана демаркациялоо иштери боюнча өкмөттөр аралык делегациянын келишими бузулганын белгиледи.

Бирок Тажикстандын ТИМи аскердик наряд Тажикстандын өзүнүн аймагында, буга чейин такталган, эки тараптын биргелешкен протоколу менен макулдашылган жеринде турганын билдирүүдө.

Кечээ, 4-июнда, Ош облусунун Чоң-Алай районуна караштуу Кара-Мык, Жекенди, Кара-Тейит, Шибе жана Чулук айылынын тургундарын эвакуациялоо башталган. Ал эми бир күндөн соң, тагыраагы, бүгүнтөн тарта көчүрүлгөн эл кайра айылдарына жеткириле баштаган.

Чек ара кызматы бүгүн эртең менен түн тынч өткөнүн кабарлаган.

Тема боюнча

Чоң-Алайдагы 5 айылдын эвакуацияланган эли кайра үйлөрүнө жеткириле баштады
Чоң-Алайдын 5 айылынын эли эвакуацияланып баштады. Сүрөт
Түн тынч өттү. Чоң-Алайдагы кыргыз-тажик чек арасында чыр чыккан жок
Белгилер:
кыргыз-тажик чек арасы, Камчыбек Ташиев, Тажикстан, Чоң-Алай, Ош облусу, Кыргызстан

Дагы видео

ЭҢ МААНИЛҮҮ