Исландияда жанар тоо жайгашкан жерди сатыкка коюшту. Видео

Жазылуу
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.
Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.
Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.
Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.
"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.
Не монтаж. Рок-группа сняла клип на фоне извергающегося вулкана — видео - Sputnik Кыргызстан, 1920, 17.04.2021
Атылып жаткан жанар тоонун тушунда клип тарткан рок-ырчылар. Видео
Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.
Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.
Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.
Жаңылыктар түрмөгү
0