"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги

Жазылуу
Маркум Айзада Канатбекованын апасы Назгүл Шакенова, таежеси Бактыгүл Шакенова жана курбу кыздары анын буга чейинки жашоосу, кызды өлтүрдү деген жигит менен болгон мамилеси, милициянын иш-аракетин Sputnik Кыргызстан агенттигине төкпөй-чачпай айтып беришти.
Зомбулуктан, кайдыгерликтен Кыргызстанда дагы бир кыздын өмүрү соолуду. Ал 27 жаштагы Айзада Канатбекова эле, бир үйдүн, апасынын жалгыз кызы болчу.
Айзаданын балалыгы, окуучулук күндөрү Балыкчы шаарында таенесинин көз алдында өтүптүр. Он гүлүнүн бир гүлү ачыла электе, 30га чыкпай анын сөөгү кайра эле таене-таятасынын үйүнөн чыкты.
Айзаданын каргашалуу өлүмү коомчулукта резонанс жаратып, эл милициянын кайдыгер мамилесине нааразы болуп, айрымдар ИИМ башчысы менен Бишкек ШИИБинин начальнигинин кызматтан кетишин талап кылууда. Ал эми аны өлтүрүүгө шектелген жигиттин буга чейин Россияда бир нече ирет соттолгону аныкталды.
Милиция кызматкерлери. Архив - Sputnik Кыргызстан, 1920, 08.04.2021
ШИИБ башчысы: Айзаданы издөөгө 210 милиционер тартылган
Эске салсак, 5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран  27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап,  Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.
7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.
Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.
Ал эми Биринчи май райондук ички иштер башкармалыгынын кызматкерлерине шалаакылык боюнча кылмыш иши козголгон.
Жаңылыктар түрмөгү
0