18:20 17 Чын Куран 2021
Түз эфир
  • USD84.8000
  • EUR101.5734
  • RUB1.1224
Видео

Касымалиева: Баш мыйзамды караганда чогуласыңар, адам өлсө кайдыгерсиңер! Видео

Кыскача шилтеме алуу
Бишкекте 27 жаштагы кыздын уурдалып, өлтүрүлүшү (42)
0 0
© Sputnik / Эмиль Садыров

Вице-спикер Аида Касымалиева учурда кылмыштуулук өсүп жатканын белгилеп, Ички иштер министрлиги эмне менен алектенип жатканына кызыкты.

Ошондой эле ал Айзаданын өлүмү боюнча маселеге депутаттар дагы көңүл кош карап жатканына ызаланды.

"Милиция "биз бала, кыз менен да байланышканбыз, кийин телефону өчүп калды" деп жатат. Бул ойго келбеген шалаакылык. Бир чабан таап аткандан кийин ИИМ оңой эле аныктап койсо болмок. Парламентте Баш мыйзамды өзгөртүүнү, шайлоо боюнча мыйзамдарды карап жатканда зал толо баарыңыздар келесиздер. Бирок адам өлүп жатса, көңүл кош карайсыздар же унутулуп калат. Муну парламент көзөмөлгө алып, акырына чейин чыгыш керек. Эртең менен президент, премьер-министрдин дагы реакциясын күткөм. Ички иштер министри калп айтып отурбастан бул жерге келип маалымат берсин", — деди Касымалиева.

Ошондой эле ал арыз кайсы милицияга түшүп, эмне себептен издебегенин аныктап, тиешелүү кызматкерлерди жоопко тартууну талап кылды.

Мындан сырткары, өлкөдө кылмыштуулук өсүп жатканына тынчсыздануусун билдирди.

"Абактан кимдер ырайым, мунапыс менен чыгып жатат, ошону билишибиз керек. Себеби жеке турак жайларга күндүз эле уурулукка киргендер көбөйдү. Кылмышкерлер үйгө кирип тоноп кеткенден да коркпой калышты, себеби милиция аларды кармабайт. Эмне кылмышкерлер менен сүйлөшүп алышканбы?" — деди вице-спикер.

Айзаданын өлүмү

Эске салсак, 5-апрель күнү эртең менен саат 7:00 чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Кыздын туугандары ошол эле күнү издеп башташкан. Биринчи май райондук милицияга саат 7:30да кабарлаган. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

Ал эми 7-апрелде изделип жаткан автоунаа Чүйдөгү Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кечинде кызды ала качууга катыштыгы бар делип бир шектүү кармалды.

Тема:
Бишкекте 27 жаштагы кыздын уурдалып, өлтүрүлүшү (42)

Тема боюнча

Ала качуу — кылмыш! Депутат парламент жыйынына плакат көтөрүп келди
Бишкек милициясынын башчысы Айзаданын жакындарынан кечирим сурады
Белгилер:
Айзада Канатбекова, милиция, киберкылмыштуулук, Аида Касымалиева, депутат, кыз ала качуу

Дагы видео

ЭҢ МААНИЛҮҮ