Салык декларациясын кантип толтуруу керек. Видеоинструкция

Жазылуу
Бирдиктүү салык декларациясын кантип толтурууну билбей жатасызбы? Анда Sputnik Кыргызстан агенттиги даярдаган нускаманы көрүңүз.
Мында мүлкү бар жалданма кызматкер, иштебеген, бирок мүлкү бар адам жана патент төлөгөн жеке ишкер үчүн декларациянын үч формасын тапшыруу эрежеси көрсөтүлөт. Эске салсак, салык төлөөчүлөр декларацияны 1-апрелге чейин толтуруп, тапшырышы шарт. Элдин иш убактысын эске алып, аталган кызмат 1-апрелде түнгө чейин иштээрин кабарлады.
Бирдиктүү салык декларациясы. Архив - Sputnik Кыргызстан, 1920, 02.02.2020
Төлөгөн салыгын да жазыш керек! Декларация тапшыруу эрежеси өзгөрдү
Белгилей кетсек, 2019-жылга карата бирдиктүү салык декларациясын 2020-жылдын 1-апрелине чейин тапшыра албай калган жөнөкөй жарандар менен жеке ишкерлер эки жылдын (2019-2020) декларациясын толтурушу шарт.
Видеодо адис Мамлекеттик салык кызматынын сайтына кирип, калькулятордун жардамы менен декларация толтурууну көрсөтүп берди. Бул — декларацияны электрондук толтуруу эмес. Видеодо көрсөтүлгөн нускаманы аткарган соң даяр болгон декларациядан эки даананы чыгарып, декларант колун коюп, каттоого турган Салык кызматына алып барып бериши шарт. Адис декларацияны электрондук түрдө толтуруу үчүн эмне кылуу керектигин да түшүндүрдү.
Эске салсак, 1-апрелге чейин салык декларациясын төмөнкүлөр тапшырууга милдеттүү:
  • мамлекеттик жана муниципалдык кызматкерлер;
  • жеке ишкерлер, анын ичинде патенттик негизде салык төлөгөндөр;
  • менчигинде салык салынуучу кыймылдуу (транспорт) жана кыймылсыз (батир жана үй) мүлктүн, жер участоктун (короо-жай участкаларынан башка) ээлери;
  • юридикалык жакты түзбөй туруп иш жүргүзгөн дыйкан жана фермердик чарбалар.
Жаңылыктар түрмөгү
0