15:58 28 Бирдин айы 2021
Түз эфир
  • USD84.7500
  • EUR102.9628
  • RUB1.1385
Видео

Эми башка Жамал жаралбайт. Элдин Сейдакматова менен коштошкон видеосу

Кыскача шилтеме алуу
КР эл артисти Жамал Сейдакматова дүйнө салды (10)
319 0 0
© Sputnik / Жоомарт Ураимов

16-февралда кыргыз коомчулугу атактуу актриса, Кыргыз Республикасынын эл артисти, Токтогул атындагы мамлекеттик сыйлыктын лауреаты Жамал Сейдакматова менен коштошуп, акыркы жайына узатты.

Таланттуу искусство чебери Бишкек шаарындагы "Ала-Арча" көрүстөнүндө жерге берилди. Ага бийлик өкүлдөрү, коомчулук, артисттин чыгармачылыгын урматтаган көрөрмандары келди.

Тажия учурунда Жамал Сейдакматованын чыгармачылык жолу туурасында кенен эскеришип, анын кыргыздын театр жана кино өнөрүнө сиңирген эмгегин белгилешти.

Драматург, Кыргыз эл жазуучусу, Түрк кеңешинин башкы катчысынын орун басары Султан Раев кыргыз коому Сейдакматова менен бирге кыргыз маданиятынын өзгөчө тарыхын узатып жаткандыгын айтты.

"Жамал эже — кыргыз улуттук театр өнөрүнүн туу чокусунун акыркы могикандарынын бири. Биз бүгүн Жамал эжени узатып жатып, аны менен кошо өзгөчө бир доорду, мезгилди, кыргыз маданиятынын өзгөчө тарыхын узатып жатабыз", — деди Раев.

Белгилүү драматург, Кыргыз эл жазуучусу Бексултан Жакиев анын кыргыз маданиятындагы ордун белгиледи.

"Жамал өзүнүн жашоосунда демилгелүү, изденген мыкты актриса болчу. Бирок арабыздан кетти... Жамалдай таланттуу кыздар, таланттуу уулдар кыргыз энелери аман турганда дагы жаралат. Бирок Жамал Сейдакматова бирөө бойдон калат", — деди Жакиев.

Sputnik кабарчысы бейит башында Жамал Сейдакматованын небереси Амир Шалтаевди кепке тартып, улуу актриса акыркы ирет эмнелер туурасында кеп кылгандыгын сурады.

"Силерди аябай жакшы көрөм, дайыма туура жолдо жүргүлө" деп насааттарын айтып жүрчү", — деди небереси.

Амир Шалтаев чоң энеси анын колунан узагандыгын айтып берди.

"Уктап жаткан кезинде эле тынч узап кетти. Беш-алты жолу чакырган, барып бирдемелерин оңдоп берип, мен да уйкуга кирип баратканда деми чыкпай калганын сездим. Барып тамырын кармасам какпай калыптыр. Ошондо түшүндүм...", – деди ал.

Таланттуу актриса 82ге чыкканы менен өмүрүнүн акыркы жылдары өзүнүн "Тунгуч" театрын иштетип, жаш муундарды актердук кесиптин чеберчилигине тарбиялоону аркалап келе жаткан.

Тема:
КР эл артисти Жамал Сейдакматова дүйнө салды (10)

Тема боюнча

Дүйнөлүк театр искусствосунун улуу актрисасы. Сейдакматовага жазылган некролог
Алтынайдан Курманжан даткага чейинки жол. Жамал Сейдакматованын кинодо калган элеси
Белгилер:
зыйнат, Султан Раев, Бексултан Жакиев, Жамал Сейдакматова, Кыргызстан

Дагы видео

ЭҢ МААНИЛҮҮ