07:54 26 Жетинин айы 2020
Түз эфир
  • USD84.8000
  • EUR100.9883
  • RUB1.1236
Видео

Чеке, кашы айрылып... Дарыгер "Тайсондун" кармашын токтотуп салган видео

Кыскача шилтеме алуу
15439 0 0
© YouTube / KG VIDEO

"Тайсон" каймана аты менен таанымал кыргызстандык мушкер Канат Келдибеков АСА 113 мелдешинин алкагында россиялык Александр Матмуратовго утулуп калды. Беттештин видеосу YouTube каналына жарыяланды.

Аралаш мушташ боюнча кармаш кечээ, 6-ноябрда, Москва шаарындагы "ВТБ Арена" спорт жайында өттү. Анда спортчулар 61 килограмм салмакта күч сынашты.

Видеодо көрүнүп тургандай, Келдибеков менен Матмуратов биринчи раундда туруп беттешип, бири-бирине сокку уруп, такыр күрөшүшкөн эмес. Тыным алуу убагында спорттук дарыгерлер "Тайсондун" жаракатына байланыштуу реферилерге беттешти токтотууга сунуш берген. Келдибековдун чекеси менен кашынын тушу айрылып кеткенин көрүүгө болот.

Калыстар кыргызстандык мушкерди биринчи раундда техникалык нокаут менен утулду деп эсептеп, жеңишти россиялык спортчуга ыйгарышкан.

Бир күндө 4 мушкерди жеңген "Тайсон": беттеште уулум эң чоң мотивация болду

Спортчулардын рейтингин аныктаган Sherdog порталындагы маалыматка ылайык, ушуну менен Канат Келдибеков ММА спортунда алтынчы жолу жеңилүү ызасын тартты. Ал эми 20 беттешти уткан.

Россиялык атаандашы Александр Матмуратов онунчу беттешин майрамдады. Буга чейин беш ирет жеңилген.

Тема боюнча

ONE FC: Кыргызстандык Кямран Аббасов чемпиондук курун ийгиликтүү коргоду
Белгилер:
видео, жаракат, жеңилүү, беттешүү, Канат Келдибеков, Москва, Кыргызстан

Дагы видео

ЭҢ МААНИЛҮҮ