08:17 05 Бештин айы 2020
Түз эфир
  • USD84.8000
  • EUR103.1253
  • RUB1.1420
Видео

Памирлик кыргыздар: Алайдын муздак шамалы Памирдеги күндөрүбүздү эске салды

Кыскача шилтеме алуу
Памирлик кыргыздар (82)
2607 0 0
© Sputnik / Зульфия Тургунова

Ош облусунун Алай районунда Памирден келген кыргыздар үчүн курулган турак жайлар пайдаланууга берилди. Учурда Талды-Суу айылындагы 1,5 гектар жерге 11 үй курулуп бүткөрүлдү.

Эске салсак, 2017-жылы октябрь айында Нарынга Улуу жана Кичи Памир аймактарынан боордоштор билим алуу максатында алып келинген. Былтыр дагы 11 үй-бүлө көчүп келип Сары-Могол айылындагы Алимсеитов мектебинин эски имаратына жайгаштырылган. Быйыл республикалык бюджеттен 20 миллион сом бөлүнүп, памирликтер үчүн үйлөр курула баштаган.

Талды-Суу айыл өкмөтүнүн башчысы Даанышбек Кеңешов узундугу 11, туурасы 9,60 метр болгон төрт бөлмөлүү үйлөр жылытуу системасы менен кошо орнотулганын билдирди.

"11 үйдүн сегизи Нарындан көчүрүлүп келген кандаштарга, үчөө Сары-Могол айылында жашап жаткан үй-бүлөлөргө берилди. Жети үй толугу менен бүткөрүлсө, калганы акталып-сырдалып жатат", — деди айыл өкмөт башчысы.

Өкмөттүн Ош облусундагы өкүлү Жарасул Абдураимов да памирлик кыргыздардан кабар алганы барган.

Ат-Башыда демөөрчүлөр Памирден келген бүлөгө там салып беришти. Сүрөт

"Памирлик туугандарыбыз мал чарбачылыгына жакын болгондуктан биз ушул тармак боюнча иш менен камсыз кылуу маселесин карап жатабыз. Ал эми балдар Талды-Суу айылындагы мектептен билим алышат. Бул кыштакка социалдык объектилерди куруу маселеси да каралууда", — деди Абдураимов.

39 жаштагы Дөөлөтбүбү Токтакун кызы Нарынга көчүп келгенден кийин кыздуу болуп, атын мурунку вице-премьер Чолпон Султанбекованын атынан Чолпон койгонун билдирди.

"Нарындык туугандар бизди аябай жакшы узатса, бул жактан да алайлык туугандарыбыз жылуу тосуп алышты. Баарына ыраазычылык айтабыз. Алайдын шамалы бизге Памирдин суук, шамалдуу аба ырайын эске салды. Нарынга аябай көнүп калдык эле. Биз Памирде топоз багып күн кечирчүбүз. Аялдар сайма сайып, өрмөк өрөбүз", — деди Токтакун кызы.

Нарында жашап жаткан Абдулбахит Жээнбек уулу да үй-бүлөсү менен Алайга көчүп келген.

ТИМ: Вандык кыргыздар Түркиядагы Кыргызстандын элчисине ыраазычылык билдирди

"Үй-бүлөмдө тогуз киши, төрт уул, бир кызым бар. Чоң уулумду Нарында жашап жүргөндө үйлөнттүм. Нарын шаарында үч жыл жашап, абасына да, элине да көнүп калдык эле. Эми ата-бабабыз мекендеген Алай жергесине алгачкы жолу келдик, көнүп кетүүгө аракет кылабыз. Туугандарыбыздын көпчүлүгү Памир жергесинде кала берди. Эгерде Талды-Суу айылына көнүп бутубузга туруп жашап кетсек, Памирде калган туугандарыбыз да келгенге аракет кылышат", — деди Жээнбек уулу.

Мындан сырткары, ал балдары Нарында окуп, тамга таанып, кат-сабаты жоюла баштагандыгын кубануу менен айтып өттү.

Тема:
Памирлик кыргыздар (82)

Тема боюнча

Алайда памирлик кыргыздар жаңы курулган үйлөргө көчүп киришти. Сүрөттөр
Белгилер:
Алай району, Нарын облусу, памирлик кыргыздар

Дагы видео

ЭҢ МААНИЛҮҮ