Комуздун коштоосундагы орусча ырлар. Бишкекте Россия күнү белгиленди. Видео

Жазылуу
"Подмосковные вечера" ыры комуздун коштоосунда жаңырды. Коронавирустан улам жаралган эпидемиологиялык кырдаалга карабай, Бишкекте Россия күнү белгиленди. Улуттук филармониянын залында көрүүчү болбогону менен сахнада бир нече артисттер кызыктуу онлайн-концерт берди.

Бул иш-чара Кыргызстан менен Россиянын эриш-аркак жылынын алкагында өттү. Аны маданият, маалымат жана туризм министри Азамат Жаманкулов менен Россиянын Кыргызстандагы элчиси Николай Удовиченко ачты.

Буурчактаган көз жаш, эрдин тиштеген Путин. Кремлдеги Толгонайдын монологу. Видео - Sputnik Кыргызстан
Буурчактаган көз жаш, эрдин тиштеген Путин. Толгонайдын Кремлдеги монологу. Видео
Кыргыз жана орус өнөр адамдары сахнага чыгып, чыгармаларды аткарышты. Иш-чара борбордук телеканалдардан жана социалдык тармактардан көрсөтүлдү.

Кыргызстан тараптан ырчылар Султан Каримов, Замира Мавлянова, Жылдыз Осмоналиева, Юлия Руцкая, Бакыт Ыбыкеев, Тилек Найманбаев, Шайгүл Алсеитова, Каныкей Раймалиева, Кайрат Примбердиев, Ирина Рыбина, Миран Жанарбаев, Адис Ардинатов, Мария Наумова, Оксана Шутова, Данияр Дөөлөтбаков, Орозбек Бакытов, Нуржигит Асанов, Акмаанай Эшбаева жана "Семетей", "Шаттык", "Сувенир", "Акак" ансамблдери өз өнөрлөрүн тартуулады.

Россия тараптан Надежда Крыгина, Валерий Семин, Нина Шацкая, Альберт Жалилов, Евгений Южин жана "Россия", "Огоньки" топтору мыкты номерлерин сунуштады.

Кыргыз-Россия эриш-аркак жылында баш-аягы 200гө чукул иш-чараларды өткөрүү пландалып, бирок пандемиядан улам кийинки мөөнөткө жылдырылган. Алардын бир катарлары бүгүнкү сымал онлайн форматта өтүүдө.

Жаңылыктар түрмөгү
0