11:14 30 Бугу 2020
Түз эфир
  • USD73.7678
  • EUR82.0114
  • RUB1.0426
Видео

"Өлбөс полктун" акциясына чагымчылдыкка шектелгендердин сурактагы видеосу

Кыскача шилтеме алуу
Улуу Ата Мекендик согуштагы Жеңиштин 75 жылдыгы (78)
347 0 0

Россиянын Тергөө комитети "Өлбөс полк" акциясы онлайн жүрүп жатканда сайтка нацисттик кылмышкерлердин сүрөттөрүн илип койду деп шектелгендердин сурактагы видеосун жарыялады.

Иликтөө иштеринин жүрүшүндө адистер алардын ким экендигин, интернетте отуруп алып, чагымчылдык кылгандарды бардык аймактардан таап чыкты. Алардын арасында Пермь облусунун эки, Самара, Волгоград жана Ульяновск шаарларынын бирден жашоочусу бар.

9-май күнү онлайн-акция жүрүп жаткан маалда Улуу Ата Мекендик согуштун катышуучуларынын сүрөттөрүнүн арасына фюрер Адольф Гитлердин, рейхсфюрер Гиммлердин портреттери коюлуп калган. Андан сырткары Нюрнберг трибуналы менен соттолгон кылмышкерлердин да сүрөттөрү чыккан.

Нацизмдин кайра жандандыруу аракети үчүн деген берене менен аларга кылмыш иши козголгон.

Видеодон тергөөчүлөр батирлерди тинтип, компьютерлердин номерлерин жазып, ичиндегилерин топтоп, ал эми шектүү кишилерди суракка алганын көрүүгө болот.

Тергөө комитетинен тинтүүдөн алынган материалдардан улам булардын социалдык тармактагы өзүнчө бир коомдун мүчөсү экендигин түкшүмөлдөөгө болорун айтышкан.

Гитлердин сүрөтүн сайтка жайгаштырды деген Самарадагы шектүү адам суракта күнөөсүн мойнуна алган. Ал эми Пермдин жашоочусу тамашалагысы келип, бирок анысы "ишке ашпай калгандыгын" айткан. Ульяновскинин тургуну да кылганына өкүнүп жаткандыгын билдирген. Тергөөчүлөр ал адамдын буга чейин экстремизм жана уурулук үчүн мурда соттолгондугун айтышты. Мындай ишке аралашкандардын арасында нацисттик кылмышкерлердин сүрөттөрүн чет элдин, тагыраагы, Украина менен Эстониянын аймаганда туруп алып сайтка койгондор да бар экенин билдиришти.

Бул боюнча тергөө, иликтөө иштери уланууда.

Тема:
Улуу Ата Мекендик согуштагы Жеңиштин 75 жылдыгы (78)

Тема боюнча

Жүрөктү эзип... Бишкекте өткөн "Өлбөс полк — онлайн" акциясынан видео
Белгилер:
Ульяновск, видео, сурак, Тергөө комитети, онлайн, "Өлбөс полк" акциясы, Самара, Пермь, Россия

Дагы видео

ЭҢ МААНИЛҮҮ