03:49 03 Теке 2020
Түз эфир
  • USD78.7872
  • EUR89.0098
  • RUB1.1172
Видео

БАЭде 48 кабаттуу имарат өрттөндү. Кырсыктын видеосу

Кыскача шилтеме алуу
367 0 0
© Видео / YouTube / XSTYLE

Бириккен Араб Эмирлигинин Шардж шаарында 48 кабаттуу имарат өрттөндү. Анын бийиктиги 190 метрди түзөт.

Gulf News жергиликтүү басылмасынын маалыматына ылайык, өрт 5-май күнү кечинде Abbco Tower көп кабаттуу имаратынын 10-кабатынан чыккан.

Асман тиреген көп кабаттуу жай 2006-жылы салынган. Ал шаардагы эң бийик 10 имараттын бири болуп эсептелет.

Андагы тургундар жана анын жанындагы үйдө жашагандар башка жакка көчүрүлгөн. Интернетке жарыяланган видеодо көрүнүп тургандай, өрттүн жалыны көп кабаттуу үйдү дээрлик толук каптаган.

Күбөлөрдүн айтымында, өрттү өчүрүүгө бир нече учкучу жок учуучу аппарат, 15 өрт өчүрүүчү унаа, адамдар тартылган. Азырынча кырсык эмнеден келип чыкканы айтыла элек. Маалым болгондой, өрт астыңкы кабаттан башталып, бир заматтын ортосунда жайылып кеткен.

Шаардык бийлик Шардж калаасынын жарандык коргонуу тобу ири кырсыкты алдын алганын кабарлады.

Тема боюнча

Ош шаарына кайра кошумча блокпосттор коюлуп, көзөмөл күчөтүлдү
Белгилер:
видео, өрт, Бириккен Араб Эмираттары, имарат

Дагы видео

ЭҢ МААНИЛҮҮ