Германияга чейин барган. Төрага Жумабеков чоң атасы тууралуу айтып берген видео

Жазылуу
"Фронт жаңырыгы" долбоорунда кыргызстандыктар жана жакынкы коңшулаш өлкөлөрдөгүлөр Улуу Жеңиштин барк-баасын ага катышкан аталар, апалар жөнүндө урпактары эскерип айтып берет. Быйыл дүйнө Жеңиштин 75 жылдыгын белгилейт.

Улуу Жеңиш күндүн алдында Sputnik редакциясынын Кыргызстандагы, Казакстан, Белоруссия, Абхазия, Армения, Молдова, Грузия, Азербайжан жана Түштүк Осетиядагы агенттиктери согуштун каармандарынын тарыхын жарыялайт. Бул жоокерлер, офицерлер Белорусь, Балтика боюндагы, Кавказдагы, Түштүк жана дагы бир топ фронттордо салгылашкан.

Президент Сооронбай Жээнбеков Улуу Жеңиш маршында. Архив - Sputnik Кыргызстан
Улуу Жеңиш майрамындагы иш-чаралардын программасы өзгөрөт
Кыргызстандагы "Фронт жаңырыгы" деп аталган эл аралык акцияны Жогорку Кеңештин төрагасы Дастан Жумабековдун эскерүүсү менен баштайбыз. Спикердин чоң атасы Жумадил Тургунбаев майдандын отун кечип, Германияга чейин жетип, кийин киндик каны тамган мекени — Таласка кайтып келип, совхозду жетектеген.

Тургунбаев согушка Талас облусунун азыркы Кара-Буура районуна караштуу Саткей айылынан 22 жашында чакырылган. Кан майдандан аман-эсен кайтып келгенден кийин айылында совхоздун директору, бригадир болуп эмгектенип, айылдык кеңеште иштеген. Ардагер 86 жашында каза болгон.

"Фронт жаңырыгы" жакынкы чет мамлекеттердеги Sputnik редакцияларынын салттуу долбоору. Быйылкы жылды кошкондо үчүнчү ирет уюштурулуп жатат. Жыл сайын видеокөпүрө менен өтүүчү жакшы салт быйыл COVID-19дан улам башкача өңүт алды.

Бизге эми Кыргызстандагы эле эмес, мурдагы советтик республикалардын мамлекеттик ишмерлери, жарандары чоң ата, чоң энесинин же ата-энесинин Улуу Ата Мекендик согушка байланган, башкаларга өрнөк боло турган тагдыры, эрдиги, каармандыгы жөнүндө айтып бермекчи.

Жаңылыктар түрмөгү
0