20:11 14 Теке 2020
Түз эфир
  • USD77.5098
  • EUR87.9814
  • RUB1.0897
Видео

Жымжырттык өкүм сүргөн Бишкектин асмандан тартылган видеосу

Кыскача шилтеме алуу
Коронавируска байланыштуу Кыргызстандагы кырдаал (1883)
3298 0 0
© Sputnik / Эмиль Садыров Спутник / Акылбек Батырбеков

Бүгүндөн баштап Бишкекке өзгөчө абал режими киргизилди. Шаар тургундары күндүз ооруканага, дарыканага жана дүкөнгө гана бара алат. Анда дагы паспорту менен маршруттук кагазы жанында болушу шарт.

Ал эми кечки саат 20.00дөн эртең мененки 7.00гө чейин көчөгө чыгууга толугу менен тыюу салынат. Бул учурда коменданттык саат ишке кирет.

Sputnik Кыргызстандын оператору борбор калаада өкүм сүрүп жаткан жымжырттыкты тартып келди. Кадрдан анча-мынча адамдар жана саналуу автоунаалар жүргөнүн көрүүгө болот.

Өзөчө абал учурунда Бишкекте каттоосу жок жарандар шаарга киргизилбейт, бирок чыгып кете берсе болот.

Мындан сырткары, ишкерликтин айрым түрлөрүнө уруксат берилет. Ал тизмедеги жумушчулар саат 07.00дөн 20.00гө чейин жетекчиси тарабынан күбөлөндүрүлгөн маалым каттын негизинде, алдын ала аныкталган багыт боюнча ишкананын автоунаасы менен жүрө алат.

Ал эми мамлекеттик жана медицина кызматкерлерине шаарда жүрүүгө уруксат кагазы берилип, аларды атайын уюштурулган транспорт ташыйт.

Жогорудагы эрежелерди бузгандарга 300-500 сом айып салынып же 15 суткага камалат. Мындай чаралар коронавирус кооптуулугунан улам жасалууда.

Учурда Кыргызстанда коронавирус жуктуруп алган адамдардын саны 42ге жетти. Алардын арасында бир жашка чейинки бир ымыркай, 6 жаштагы бир жеткинчек жана 14 жаштагы өспүрүм бар. Ал эми Сузактын 71 жаштагы тургуну жандандыруу бөлүмүндө.

25-мартта обсервацияда жаткан 2014 адамдын 1429у мөөнөтүнөн мурда үй карантинине чыгарылды

Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилген.

Учурда өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз

Тема:
Коронавируска байланыштуу Кыргызстандагы кырдаал (1883)

Тема боюнча

Коронавирус: Кыргызстан Кытайдан 30 миң экспресс-тест сатып алат
Ошто демилгечилер дарыгерлерге 5000 бет кап, 280 коргоочу костюм алып берди
Өзгөчө абал учурунда банкка барууга болобу? Штабдын маалыматы
Белгилер:
автоунаа, коменданттык саат, өзгөчө абал, Бишкек

Дагы видео

ЭҢ МААНИЛҮҮ