23:33 30 Бугу 2020
Түз эфир
  • USD73.7678
  • EUR82.0114
  • RUB1.0426
Видео

Кудай сактасын, текшерилдик! Четке чыгып келген депутаттардын жообу видеодо

Кыскача шилтеме алуу
Кытайдагы жаңы типтеги коронавирус (748)
680 0 0
© Sputnik / Эмиль Садыров , пресс-служба Жогорку Кенеша

Коронавирус кооптуулугу жаралгандан кийин Жогорку Кеңештин ондон ашуун депутаты иш-сапар менен Европа жана Араб өлкөлөрүнө барган. Бирок алар кайтып келгенде медициналык текшерүүдөн өткөнбү? Sputnik Кыргызстандын кабарчысы бул тууралуу сурап көрдү.

Депутаттардын баары эле аэропортко келгенден кийин тепловизор текшергенин билдирди. Эч ким карантинге алынган эмес, өз алдынча анализ тапшырбаганын айтышты. Ошондой эле алар барган учурда коронавирус анча жайыла электигин белгилешти.

Деген менен Дүйнөлүк саламаттыкты сактоо уюмунун расмий билдирүүсү боюнча коронавирустун симптомдору 14 күндө билинет.

Бүгүн парламенттин жыйынында Дастан Бекешев коронавирустан улам ЖК депутаттарын чет өлкөгө чыгышына тыюу салууну төрагага сунуштады. Ал эми чет өлкөдөн келген кесиптештерин сөзсүз түрдө карантинге алууну талап кылды. Эл өкүлү Франция, Испания жана Ирандын депутаттары бири-бирине вирус жуктуруп жатканын эске салды.

Төмөндө депутаттар барган өлкөлөрдүн тизмеси:

29-30-январда депутаттар Дастан Бекешев, Абдимуктар Маматов жана Сайдулла Нышанов Франциянын Страсбург шаарына барган. Европада биринчи болуп 24-январда ушул өлкөдө коронавирус жуктургандар табылган. Учурда илдетке кабылган адамдардын саны 1784тү түзөт.

5-6-февраль күндөрү эл өкүлү Салайдин Айдаров Түштүк Кореянын борбору Сеулда жүргөн. Бул өлкөдө алгачкы факты 20-январда катталып, бүгүнкү күндө вирус жуктургандардын саны 7755ке жетти. Кыргызстан бул өлкөдөн келгендерди 25-февралдан тарта 14 күндүк карантинге ала баштады.

Манас аэропортундагы жүргүнчүлөрдү коронавируска текшерүү. Архив
© Фото / пресс-служба правительства/ Алишер Алиев
5-6-февралда вице-спикер Аида Касымалиева, 23-28-февралда Рыскелди Момбеков, Алмазбек Эргешов жана Марлен Маматалиев АКШга иш сапар менен барган. Бул жакта алгачкы учур 21-январда катталып, 1039 киши вирустан жабыркады.

17-20-февраль күндөрү төрага Дастан Жумабеков баштаган депутаттар Мирлан Бакиров, Айбек Алтынбеков, Өмүрбек Бакиров, Акылбек Жапаров, Канатбек Исаев, Абдимуктар Маматов Сауд Аравия менен Бириккен Араб Эмирлигине (БАЭ) барышкан.

БАЭде биринчи учур 29-январда аныкталып, азыр 74 адам ооруп жатат. Ал эми Сауд Аравияда коронавирус 2-мартта табылып, ушу кезге чейин 20 адамга жукту.

20-21-январда Иса Өмүркулов, Каныбек Иманалиев, Бакыт Төрөбаев Австриянын Вена шаарына барып келишкен. Бул өлкөдө алгачкы учур 25-февралда катталган, азыркы тапта ооругандардын саны 206га жетти.

Белгилей кетсек, жогоруда аты аталган депутаттар расмий иш-сапар менен гана баргандар. Андан тышкары, ар кандай уюмдар же жеке жумуштары менен чет өлкөгө чыккандар да болушу мүмкүн.

Жыл башында Кытайдын Ухань шаарында пайда болгон коронавирус дүйнөнүн 100дөн ашуун өлкөсүнө жайылып, 121 миң адамга жукту.

Тема:
Кытайдагы жаңы типтеги коронавирус (748)

Тема боюнча

Жаман айтпай, жакшы жок. Коронавирус жайылып кетсе Кыргызстан канчага чыдайт
Коркуткан коронавирус: Кыргызстанда токтотулган, жылдырылган иш-чаралардын тизмеси
Франциянын маданият министри коронавирус жуктуруп алды
Белгилер:
текшерүү, карантин, суроо, депутат, коронавирус

Дагы видео

ЭҢ МААНИЛҮҮ