03:27 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Видео

Быйыл Кыргызстандагы сулуулук сынагына өзгөчө кыз катышат. Видео

Кыскача шилтеме алуу
2198 0 0
© Sputnik / Эмиль Садыров

Быйыл "Кыргызстан сулуусу — 2019" сынагына өзгөчө селки катышат. Дарыгерлер бир нече жыл мурда Ангелина Гаранинага остеосаркома деп аталган диагноз коюшкан.

Ракты жеңүүнүн бирден-бир жолу бутун кесип салуу эле. Ошондон тарта Ангелина биомеханикалык протез менен жашап келет.

Участница Мисс Кыргызстан — 2019 Ангелина Гаранина
© Sputnik / Табылды Кадырбеков
Ангелина Гаранина остеосаркома, башкача айтканда, рак илдетинен арылуу үчүн бутун кестирген. Ошондон тарта Ангелина биомеханикалык протез менен жашап келет.

Быйыл уюштуруучулардан кызга "Кыргызстан сулуусу — 2019" сынагына катышуу боюнча сунуш түшкөн. Ал ойлонуп көрүп, макул болгон.

Учурда эң сулуу кыргызстандык аялзатынын таажысы үчүн 20 кыз күрөшө турган болууда.

"Мындан бир-эки жыл мурда ушундай сынакка катыш десе ишенбейт элем. Эгерде ооруканада жатканда сунушташкан болсо, "Чын эле айтып жатасыңарбы? Менби? Сынаккабы?" — деп кечке суроо жаадырмакмын. Ал мезгилдери кандайдыр бир кол жетпеген кыял катары сезилмек. Ал эми азыр жашоомдун азаптуу, кыйын учуру өтүп кетти. Бул — менин конкурсум. Кыздар менен сүйлөшүп, пикир алмашуу, камера алдында иштеп, тартылуу мага жагат", — деп азыркы бактылуу мүнөттөрү менен бөлүштү селки.

Участница Мисс Кыргызстан — 2019 Ангелина Гаранина
© Sputnik / Табылды Кадырбеков
Ангелина учурда Питердеги жогорку окуу жайлардын биринде психолог билимин алып жаткан чагы. Буга кошумча гитара үйрөнүүдө.

Сынактан тышкары Ангелинанын эң маанилүү дагы бир иши бар. Ал — окуусу. Учурда Питердеги жогорку окуу жайлардын биринде психолог билимин алып жаткан чагы. Буга кошумча гитара үйрөнүүдө. Кыйынчылык, түйшүгүнө карабай Ангелина башка кыздар сыяктуу эле сулуулар конкурсунун даярдыгына калбай келет. Элдин алдында болгонду, сахнага басканды, камеранын алдына чыккандагы чеберчиликтерди өздөштүрүп жаткан убагы. Муну менен катар эле моделдик кесиптин ой-кырларын үйрөнүүдө.

Сынактын уюштуруучулары Ангелина башка катышуучулар менен теңтайлаша берген тапшырмаларды аткарып жаткандыгын белгилешти.

"Ангелина — "Кыргызстан сулуусу — 2019" сынагынын уюштуруучулары өздөрү чакырып катышып жаткан жалгыз кыз. Көптөр майыптыгы барлар башкалардай боло албайт дешет. Кеп-сөзгө калуудан чочулашат. Ал эми Ангелинанын мисалы калыптанып калган мындай көз караштарды четке кагат", — дешти алар.

Ангелина өзүнө ишенип-ишенбей турган адамдарга жардам көрсөтүү өтө маанилүү иштердин бири деп эсептейт.

"Кайсы бир кыз интернеттен же залдан көрүп, "мен да жакшынакаймын, кийинки жылы конкурска сөзсүз катышам" деп ойлосо мен үчүн чоң жеңиш деп эсептейм. Же болбосо өзүнө, анын кайталангыс адам экендигине ишенсе да сонун болмок. Анда эле менин жеңишим болду деп билем. Башымдан көптү өткөрдүм, учурду, азыркы көз ирмемдерди, чыныгы нерселерди баалай билгенди үйрөндүм. Эгер билсеңиздер, сулуулук деген ар кыл, ар кандай болот. Анын чеги же кандайдыр бир салып койгон формасы жок. Адамдарды өзүн жакшы көрүп жана өзүнө ишеним жаратышына таасирлентсем дейм", — деп оюн бөлүштү Ангелина.

Участница Мисс Кыргызстан — 2019 Ангелина Гаранина
© Sputnik / Табылды Кадырбеков
Ангелина Гаранина: кайсы бир кыз интернеттен же залдан көрүп, "мен да жакшынакаймын, кийинки жылы конкурска сөзсүз катышам" деп ойлосо мен үчүн чоң жеңиш деп эсептейм.

"Кыргызстан сулуусу — 2019" сынагынын жеңүүчүсү "Дүйнө сулуусу" конкурсуна катышууга укук алат. Андан сырткары, рубин чөгөрүлгөн алтын таажы менен 100 000 сом суммасындагы сыйлык алат.

Тема боюнча

Кыргызстандык бийкеч Ливандагы сулуулук сынагына катышып жатат. Сүрөт
17 жаштагы Ширин Мусанкары кызы Кыргызстан сулуусу болду. Сүрөттөр
Белгилер:
сулуулук, протез, сулуулук сынагы, Кыргызстан

Дагы видео

ЭҢ МААНИЛҮҮ