Мага да төлөйсүңбү? Путин менен Эрдогандын балмуздак алып тамашалашкан видеосу

Жазылуу
Эл аралык авиациялык-космостук салону (МАКС — 2019) иш-чарасында Россия лидери Владимир Путин Түркиянын президенти Режеп Тайип Эрдоганга балмуздак сатып алып берди. Аталган видеону RT телеканалы жарыялады.

Путин менен Эрдоган экспозицияга кирип чыккандан кийин балмуздак саткан жерге келишкен. Биринчи Эрдоган тандап, андан соң Путин алды. Сатуучу "Кандайын берейин?" деп сураганда Путин: "Экөөнү тең бере бериңизчи",- деп жылмайган.

Ошол учурда Түркиянын президенти котормочу аркылуу "Мага да төлөп коёсуңбу?" деп сурады.

"Албетте төлөйм, сен менин коногумсуң да", — деп жооп берди Россиянын президенти.

Сатуучу үч балмуздактын баасы 210 сом болгонун айтты эле, Путин 5000 сомдук купюраны сунду. Анан соода жана өнөр жай министри Денис Мантуровду карап: "Кайтарым акчасын буга берип коюңуз, авиацияны өнүктүрүүгө жумшасын",- деп артка бурулду.

Өз кезегинде министр да жылмайып, марттыгы үчүн ыраазычылык билдирди.

Түркиянын мамлекет башчысы Режеп Тайип Эрдоган Россияга 27-августта келген.

Жаңылыктар түрмөгү
0