20:11 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Видео

Токаев жарылуудан жапа чеккен элинин көңүлүн жайгарды. Видео

Кыскача шилтеме алуу
Казакстандын Арыс шаарындагы жарылуу (12)
406 0 0

Кампадагы курал-жарактын жарылуусунан кийин Арыс шаарынын тургундары эвакуацияланган. Акыркы маалыматтар боюнча, эки кишинин каза тапканы белгилүү болду.

Казакстандын президенти Касым-Жомарт Токаев курал-жарак сакталган кампанын жарылуусунан кийин эвакуацияланган жергиликтүү тургундар жана ооруканага түшкөн бейтаптар менен жолукту.

Жолугушуунун видеосун өлкө башчынын маалымат катчысы Берик Уали жарыялаган.

"Шаарды калыбына келтиребиз. Баары жакшы болот. Чыдай тургула. Бул өзгөчө кырдаал, кырсык. Өкмөт акча бөлөт, ремонт жасайбыз", — деди Токаев.

Белгилей кетсек, жарылуу 24-июнь күнү саат 9.20ларда Казакстандын түштүгүндө жайгашкан Арыс шаарындагы №44856 аскер бөлүгүнө жайгашкан курал-жарак кампасында болгон. Элди ыкчам кызматтын адистери, ИИМ жана Коргоо министрлигинин өкүлдөрү эвакуациялаган.

Шаарда 43 миң киши жашайт. Облус акими Умирзак Шукеев башында турган жумушчу топ түзүлдү.

Sputnik Казакстандын маалымат агенттигинин билдиргенине караганда, жарылуудан каза тапкандардын саны эки кишиге жеткен. Бул тууралуу өлкөнүн премьер-министри Аскар Мамин айтты. Көз жумгандардын бири аскер кызматкери болсо, бири жай тургун.

Ал эми өлкөнүн Саламаттык сактоо министрлигинин билдирүүсү боюнча, жалпы жонунан дарыгерлерге 165 адам кайрылган. Анын 89у ооруканага (18и — бала, 13ү — кош бойлуу аял, бешөө — жаңы төрөгөн келиндер) жаткырылды. 15 бейтап реанимацияда.

Каргашанын себеби

Жарылууга аскер бөлүктө чыккан өрт себеп болгон. Үйлөр катуу жабыркап, элди 80 чакырым алыстыкта жайгашкан Шымкент шаарына эвакуациялашкан.

Жапа чеккен калаага өлкө башчысы да келип, кыска мөөнөттө каргашанын кесепетин жоюу тапшырмасын берди. Каражат мамлекеттик материалдык резервден бөлүнмөкчү.

Тема:
Казакстандын Арыс шаарындагы жарылуу (12)

Тема боюнча

Казакстандагы жарылуу: автоунаасына снаряд түшкөн киши каза болду
Казакстандагы жарылуу: элдин эвакуацияланышы видеого түшүп калган
Казакстандагы аскер бөлүктө катуу жарылуу болду. Видео
Белгилер:
реанимация, эвакуация, оорукана, жарылуу, Касым-Жомарт Токаев, Казакстан

Дагы видео

ЭҢ МААНИЛҮҮ