12:44 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Видео

"Ош" базарында миңдеген адам жумушсуз калабы? Соодагерлердин арыз-муңу видеодо

Кыскача шилтеме алуу
161710
© Sputnik / Сергей Аладьев

"Ош" базарынын аймагындагы кондитердик азыктарды жана айна-самын саткан "Берекет универсал" кичи базарынын соодагерлери митингге чыгышты. Алар эртең, 12-апрелде, базардын жабылышына каршы болууда.

Базар администрациянын алдына 200дөй адам чогулуп өз талаптарын айтышты. Соодагерлер эгер базар жабылса, кайда барабыз деп нааразы болууда. Жетекчилиги мурда өрттөнгөн базардын ордуна курулган имараттын ичинен күркө сатып алууну сунуштоодо. Бирок анын баасы  — 1 чарчы метри 1500 доллар. Мындан сырткары, күн сайын ар бир чарчы метрине 50 сомдон ижара төлөшү керек. Эгер 10 чарчы метр жерде иштесе, ижарага айына 15 000 сом кетет. 

Алардын билдиришинче, бул жайда 1000ге чукул адам соода кылат. Ал эми базар жетекчилиги 500 адам иштей турганын айтууда.

Айжаркын Карасартова бул базарда 20 жылдан бери иштеп келе жатканын айтты. Азыр ал "Дыйкан" базары жабылганда "Сары-Өзөндөн" күркө берилгенин мисал келтирип, нааразы болуп турган чагы.

"Беш жыл мурда жаңы күркө сатып алганда директордун орун басары Эсен Саматбаев "эгер жабылса башка жактан бекер орун беребиз" деген. Мына эми жөн эле чыгып кеткиле деп жатат. Акчасы барлар башка базарлардан орун сатып алууда. Бизге окшогондор каякка барат? Былтыр үйлүү болом деп бир миллион сом  кредит алгам. Эми аны кантип төлөйм? Үч баламды таштап Россияга кетейинби? Үнүбүз бийлик өкүлдөрүнө жетпей жатат", — деп күйүп-бышты Карасартова.

Ушул эле базардан Бурул Андашева былтыр 16 500 долларга контейнер сатып алып, момпосуй, печенье менен соода кылып жаткан.

"Мен контейнер сатып алып жатканда администрация мындай болорун айткан эмес. Эми менин ал акчамды ким төлөп берет? Башка жактан контейнер берсе унчукпайт элек. Жаңы курган имараты аябай кымбат болуп жатпайбы. Бул жерден жалаң пенсионерлер, студенттер, карапайым калк арзан баада сатып алат. Соода борборго көчүрсө баа дагы жогорулап, элге да кыйын болот", — деп ызаланат соодагер.

Ал эми "Берекет универсал" кичи базарынын директорунун орун басары Эсен Саматбаев эртең базардын жабылышына 30-40 гана соодагер каршы болуп жатканын айтты. Ошолор эле митингге чыгып, калганы ары-бери өткөн адамдар деп билдирди.

"Бизден сатып алсаңар банктан 10 пайыздык кредит алууга жардам берели дегенбиз. Дээрлик 60-70 пайызы "Дыйкан" жана "Стольный" базарынан контейнер алып койгон. Көпчүлүгү "эчак эле жабам дегенсиң, жаап койбойсуңбу" деп жатат. Биз соодагерлердин укугун бузган жокпуз. Алардын келишими 2018-жылдын декабрында бүткөн. Жазга чейин деп суранганынан кошумча келишим түзгөнбүз. Анын ордуна төрт кабаттуу имарат салынат. Аны үч айда куруп бүтөбүз. Эки кабаты соода-сатыкка, үчүнчү-төртүнчү кабаты унаа токтотуучу жай болот", — деди ал.

Бирок сатуучулар жаңы имарат салмак тургай, мурункусу толук курулуп бүтө электигин көрсөтүштү. Бул жайда иштөө алдаганча кооптуу экенин белгилешти.

Эске салсак, былтыр ушул маалда, 13-апрелдин түнүндө, "Ош" базарынын аймагындагы Киев менен Кулиев көчөлөрүнө жакын жерде жайгашкан "Берекет" кичи базарында өрт чыгып, товарлар күйүп кеткен.

Тема боюнча

Милиция: "Ош" базарындагы өрт боюнча эки адам кармалды
Бишкек: "Ош" базарында 200гө чукул сатуучу митингге чыкты. Сүрөттөр
Белгилер:
акча, базар, сатуучу, Митинг, соодагер, Ош базары

Дагы видео

ЭҢ МААНИЛҮҮ