Пилдин баткактан чыккан балдарынын бири адамдарга кантип ыраазы болду. Видео

Жазылуу
Окуя Таиланддын түндүк-чыгыш тарабындагы жаратылыш паркында болгон.

Видео YouTube каналына жарыяланган.

"National Geographic Россия" ресурсунун маалыматына караганда, Прачинбури аймагындагы Thap Lan паркынан 27-мартта аңдагы ылайдын чыга албай калган пилдин алты баласын байкашкан.

Жаныбарлардын баткакта бир нече убакыттан бери туруп калгандыгын дароо эле түшүнүүгө болот эле.

Абалды аңдаган ошол жердеги кишилер эки топко бөлүнүп, бири куткаруу операциясына башкаларды чакыруу үчүн кетсе, экинчилери аларды түнү бою кайтаруу үчүн калышкан.

Эртеси келген адамдар аңдын бир бурчун жантайыңкы кылып казып, чыгууга ылайыктап чыгышкан. Бул иш төрт саатка чукул убакытты алган.

Суматранский слон - Sputnik Кыргызстан
Кения: көп жашап, азуу сөөктөрү жер чийгиче карыган пил өлдү. Сүрөттөр
Чогулган эл пилдин алты баласын ылайдан түртүп, тартып чыгарып жатып, кыскасы, куткарышкан.

Бардыгы кургакка чыккан соң ичинен бирөө бети-башы, бүт денеси ылай болгон кишилерге бурулуп, ыраазылык билдирген сымал саамга тиктеп туруп, узап кеткен туугандарынын артынан жолун улаган.

Пилдер Таиландда улуттук байлык катары каралганы менен алардын тагдыры өтө аянычтуу.

Аталган жаныбарлар байырлай турган аймактар кескин кыскарып кеткендиктен, аларга адамдар жашаган жерге барууга туура келген. Бирок айыл чарба талааларын тепселеп салгандыктан, фермерлер аларды сүйүп жиберген жок. Ал эми пилдер көп учурда агрессиясын көрсөтүп келет. Адистер мындай абалга атайын түзүлгөн гана программа аралжы боло алат деген пикирин айтышууда. Пилдерди токойго кайтарганда маселе чечилет дешкени менен айыл чарбасы өлкөнүн экономикасынын маанилүү бөлүгү боюнча калууда.

Жаңылыктар түрмөгү
0