Камчыны тиштет! Электр тогуна урунган улакчыны эл аман алып калган видео

Жазылуу
Кырсык болгондо ат ээсин баса жыгылган.

Жалал-Абад шаарынын жака белиндеги Төш-Кутчу конушунда көк бөрү учурунда электр мамычасына урунган улакчы аман калып, аты жан берди. Бул туурасында окуянын күбөсү Sputnik Кыргызстан агенттигине айтып берди.

Аттан кулаган, ылай болгон депутаттар. Аткаминерлер ойногон көк бөрүнүн видеосу - Sputnik Кыргызстан
Аттан кулаган, ылай болгон депутаттар. Аткаминерлер ойногон көк бөрүнүн видеосу
Окуя 3-март күнү түш ченде болгон. Видеодон чурулдаган элдин каналда жаткан токулгалуу атты карап, кыйкырып жатканын көрүүгө болот. Андан кийинки кадрларга жерде топуракка аралашып жаткан адам менен анын айланасындагы кишилердин жан-алакетке түшүп жатканы тартылып калган.

Маалыматта улак тартып жаткан учурда чабандес аты менен келип, электр мамычасына урунуп, жыгылып түшкөнү айтылат.

Кырсык болгондо ат ээсин баса жыгылган. Анын айланасында жүргөндөр ээсин сууруп чыгып, топуракка көмө салып, андан соң ооруканага жеткиришкен.

“Ток урган кишинин абалы орточо. Учурда эсине келип, дарыгерлердин көзөмөлүндө”, - деп билдиришти облустук ооруканадан.

Кырсыктаган улакчы Сузак районунун Ак-Тоок айылынын 41 жаштагы тургуну экендиги маалым болду.

Жаңылыктар түрмөгү
0