11:06 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Видео

Өлөрүнө карабай... 75 миң доллар үчүн уурулар менен кармашканда. Видео

Кыскача шилтеме алуу
976331

Окуя АКШнын Техас штатында болгон. Полиция кылмышкерлерге маалымат берип турган деп банк кызматкерин кошо колго түшүрдү.

Техастагы тоноочулук АКШ элин дүрбөлөңгө салганын жергиликтүү KTRK-TV телеканалы маалымдады. 

Аял банктан 75 миң доллар чыгаргандан кийин уурулар ага күч колдонуу менен колундагы сумкасын тартып алууга аракет жасаган. Маалыматка караганда, аялга мындай суммадагы накталай акча бизнеси үчүн керек болгон. Ал май куюучу жайларга ээлик кылгандардын бири.

Полициянын маалыматына караганда, уурулар аял банктан сумка көтөрүп чыкканда эле артынан түшкөн. Окуя видео байкоого жазылып калган. Тасмада көрүнүп тургандай, аял колундагы сумкасын кылмышкерлер машина менен койдуруп кеткенге чейин кое берген эмес.

Кол салгандар кылмыштуу топтун мүчөлөрү экени аныкталды. Биринчи шектүү ошол эле күнү колго түшүрүлүп, акча салынган сумка алынган. Экинчиси менен үчүнчүсү эки күндөн кийин кармалган. Учурда төртүнчү шектүү изделип жатат.

​Кийинчерээк бул ишке банк кызматкеринин да тийиштиги бар экени аныкталган. Полиция банктын 25 жаштагы менеджери Шелби Уайзды камакка алды. Кылмыш жасалган күнү ал ишинде отурган. Мындан сырткары, менеджер кармалган эки шектүүнүн бири менен жакын мамиледе болгону айтылууда. Полициянын версиясында так ошол банк кызматкери ири суммадагы акча тууралуу кылмышкерлерге кабарлаган.

Учурда жабыркаган аял оор абалда ооруканада жатат. Ал эми жолдошунун абалы канааттандырарлык.

Тема боюнча

АКШда жаза өтөп жаткандар түрмөнүн атайын эсебин талкалап, 225 миң доллар уурдашты
Кем-карчысы үчүн банктан 270 миң доллар уурдаган кассир. Ташкенттеги окуя
Белгилер:
доллар, тоноо, кылмышкер, АКШ

Дагы видео

ЭҢ МААНИЛҮҮ