Мексиканын Дуранго шаарында кулаган учактын ичинде тартылган видео интернетте тарап жатат. Ал YouTube каналына жарыяланган.
Видеодо учак учуп-конуу тилкесинен асманга көтөрүлөрү менен кайтадан жерге кулаган. Бул учурда сыртта нөшөрлөп жаан жаап жаткан.
Embraer 190 үлгүсүндөгү учактын ичинде 99 жүргүнчү жана экипаждын төрт мүчөсү болгон. Учак Мексиканын Дуранго шаарынан Мехикого сапар алган.
Жерге кулап түшкөн учактан эч ким жабыркаган эмес. Расмий бийлик учак катуу шамалдан улам кырсыкташы мүмкүн деген божомолун айтышты. Айрым жүргүнчүлөр учакка чагылган тийгенин билдиришкен.
