17:53 02 Теке 2020
Түз эфир
  • USD78.7872
  • EUR89.0098
  • RUB1.1172
Видео

Кыргызстандагы эң узун тоннель кантип курулууда. Көк-Арт ашуусундагы видео

Кыскача шилтеме алуу
234020
© Sputnik / Мирбек Сакенов

Түндүк — Түштүк альтернативалуу жолунда учурда эң узун тоннель салынууда. Ал жерде жүздөгөн адам эмгектенип, курулушту 2020-жылы колдонууга берүү пландалууда. Sputnik Кыргызстан агенттиги өлкөдөгү ири курулуштун алгачкы жыйынтыктарын сунуштайт.

Жалал-Абад облусундагы Көк-Арт ашуусу аркылуу өтө турган тоннелдин узундугу — 3890 метр. Ал жерде 450гө жакын жумушчу иштеп, 200дөн ашык техниканын 20 түрү тартылган. Деңиз деңгээлинен 2500 метр бийиктикте салынып жаткан объектинин унаа өтүүчү тилкесинин туурасы менен бийиктиги 11 метрге жетет.

Тоннелдин курулуш тобунун жетекчиси Алтынбек Карагуловдун айтымында, курулуштун 50 пайызы бүтүп калды.

"Долбоор боюнча тоннелдин узундугу 3745 метр болчу. Кар көчөрүн эске алып 3890 метр болуп узартылды. Ошондон улам да баасы 128 миллиондон 136 миллион долларга жогорулады. Азыр курулушта 450гө жакын жумушчу эмгектенип, жалпы иштердин 50 пайызы аяктап калды", — деди Карагулов.

Ал ошондой эле тоннель аяктаганда күн сайын 12 миң унаа өтө ала тургандыгын кошумчалады.

Эске сала кетсек, Жалал-Абад шаарынан Балыкчыга чейинки альтернативалуу жолдун курулушу 2014-жылы башталган. Анын жалпы узундугу 433 чакырым болуп, эл аралык донорлор тарабынан каржыланууда. Эки эстакадалык көпүрө, бир тоннель каралган ири долбоорду толугу менен кытайлык China Roud and Bridge компаниясы ишке ашырып жатат.

Тема боюнча

Бишкекте быйыл автоунаа өтө турган төрт көпүрө курулуп бүтөт. Видео
Таш-Көмүрдө Бишкек — Ош жолуна таш түшүп, унаалар түнү бою өтө албай турду. Видео
Кытай: унааларды аңтара сүзгөн айдоочунун видеосу тарап жатат
Белгилер:
тоннель, жол, курулуш, түштүк, Кыргызстан

Дагы видео

ЭҢ МААНИЛҮҮ