07:58 14 Бештин айы 2018
Түз эфир
  • USD69.8447
  • EUR79.5147
  • RUB1.0542
Видео

Маданият министрлиги ысырап менен насыяга өткөн тойдун кесепетин көрсөттү

Кыскача шилтеме алуу
50511
Facebook / Министерство культуры, информации и туризма Кыргызской Республики

Маданият, маалымат жана туризм министрлиги той-аштардагы ысырапкорчулукка бөгөт коюу максатында "Балаңды карызга батырба!" аттуу социалдык ролик чыгарды.

Министрликтин билдирүүсүнө караганда, айрым эсептөөлөр боюнча банктан алынган насыялардын 20 пайызы той өткөрүүгө жумшалат. Акчанын бир бөлүгү сапатсыз, кийилбей турган кийиттерди сатып алууга жана башка чыгымдарга коротулат.

"Тойго алган насыясынан убагында кутула албай, кыйналган үй-бүлөлөрдүн саны миңдеп саналууда. Коомдук муктаждыкты эске алуу менен Маданият, маалымат жана туризм министрлиги социалдык роликтерди чыгара баштады. Анын алгачкысы "Балаңды карызга батырба!" деп аталат", — деп жазылат билдирүүдө.

Роликте той өткөрүү үчүн банктан насыя алган ата-эненин окуясы чагылдырылган. Алар тойдон кийин карызга батып калгандыктан, балдары Россияга барып иштөөгө аргасыз болгонун көрүүгө болот.

Белгилей кетсек, буга чейин министрлик кыргыз тойлорун жаңы үлгүдө өткөрүү боюнча сценарийге сынак жарыялаган. Мыкты идеялар 15-сентябрга чейин кабыл алынат.

Тема боюнча

Тойду жаңыча өткөрүүнүн сценарийине сынак жарыяланды
Тойдун чыгымын чектөөчү мыйзамды депутаттар эмнеге колдобой койгону ачыкталды
Өзүн актаган жана сызга отургузган тойлор. Инсультка жеткирген насыя
Түгөлбай Казаков: тойдун убактысын үч саат кылып кыскартуу керек
Колдонуу эрежелериПикирлер

Дагы видео

ЭҢ МААНИЛҮҮ