Экономикалык кылмыштарга каршы күрөшүү кызматынын өкүлдөрү Кыргыз мамлекеттик курулуш, транспорт жана архитектура университетинин кафедра жетекчилеринин бирин пара алып жаткан жеринен кармады. Бул тууралуу аталган ведомствонун маалымат кызматынан кабарлашты.
"21-май күнү оперативдик иш-чаралардын алкагында аталган окуу жайдын ага окутуучусу К.А. аттуу жаран пара алып жаткан жеринен кармалган", — деп айтылат маалыматта.
Аталган факты боюнча Кылмыш жаза кодексинин 221 (кызматтык абалын кыянаттык менен пайдалануу) жана 225-беренеси (мыйзамсыз түрдө акча каражатын алуу) боюнча кылмыш иши козголду.
