Бишкек ТЭЦте түтүктү жылытуу үчүн көмүр жана таштанды жагып жатышат. Видео

Жазылуу
Биз башкалар киргенге болбой турган жерге байкоосуздан баш бага калып, жумушчулар түтүктү жылытуу үчүн көмүр жана таштандыны жагып жатканына күбө болдук.

Бишкекти жылуулук менен камсыз кылган борбордо түтүктү жана өндүрүш имаратын жылытуу үчүн көмүр жана таштандыларды жагып жаткандыгын көрүүгө болот.

Премьер-министр Сапар Исаковдун архивдик сүрөтү - Sputnik Кыргызстан
Сапар Исаков ТЭЦтеги кырдаалдан улам элден кечирим сурады
Бул туурасында Sputnik Кыргызстан агенттигине 29-январда ТЭЦке уюштурулган пресс-тур учурунда белгилүү болду. Жалпыга маалымдоо каражаттарынын өкүлдөрү химиялык цехте, башкаруу жүргүзүлгөн эски жайда жана эски блокто болду.

Бир катар журналисттер жумушчулар көмүрдү жагып жаткан көрүнүшкө туш болду. Кызматкерлердин бири бул отту смен менен алмашып, эки күндөн бери эртең мененки жетиден кечки жетиге чейин өчүрбөй кармап тургандыктарын айтышты.

Бир аздан кийин бул жерге журналисттердин кирүүсүнө болбой турганды айтылды.

"Эмнеге кирдиңер? Силерге бул жакка кирүүгө болбойт", — деген жумушчулардын бири эшигин жаап салды.

Андан сырткары, эски блоктун биринчи кабатында таштанды салынган ири челектердин жайгашкандыгын көрүүгө болот. Ал эми имаратта пластиктин жыты каңырсып турганы дароо эле сезилет.

Бишкек ТЭЦи. Архив - Sputnik Кыргызстан
Бишкек ТЭЦинде дагы бир түтүк жарылды. Ушул тапта ишкананын абалы кандай
Кийинчерээк, маалымат жыйында ТЭЦтин ардагер кызматкерлеринин бири Сергей Бочко от жагып, түтүктөрдү жылытып жаткандыгын билдирди.

"Минтип кошумча жол менен жылытып жатканыбыз сырттан караганда кызыктай көрүнүшү мүмкүн, бирок анын натыйжасы жакшы. Кийинчерээк аларды жыйнап, тазалап салабыз. Жаман деле кесепети болбойт. Мунун баары биздин өндүрүштүк имараттын ичин жылытып, суу жана буу өткөн түтүктөрдүн тоңуп калбашы үчүн жасалат", — деп айтып берди Бочко.

"Азыр ТЭЦ кантип иштеп жатат" деп аталган түз алып берүүдөн биз кеп кылган пресс-турду толук көрө аласыз>>

На ТЭЦ Бишкека начался демонтаж котлоагрегата и турбогенератора - Sputnik Кыргызстан
Суу азайып кеткен. ТЭЦтеги авариянын болжолдуу себеби айтылды
27-январда социалдык тармакта Бишкек ТЭЦинде тартылды деген видео тараган. Кадрдан жумушчулар түтүктү жылытуу үчүн челекке от жагып жаткандыгын түшүндүрүп, айтып беришкен. Ал эми ТЭЦтин ишин караган "Кыргызстан улуттук электр тармактары" ишканасынан бул видео жалган деп, төгүнгө чыгарышкан.

Эскерте кетсек, 26-январь күнү кечинде ТЭЦте авария болуп, кубаттуулугу эки эсе төмөндөп кеткен. Бир күндөн кийин өкмөт көйгөй чечилгенин айтканы менен жылуулук берүү калыбына келген эмес. 29-январь күнү дагы бир түтүктөн жаракат кеткени белгилүү болгон. 

Жаңылыктар түрмөгү
0