10:33 22 Кулжа 2021
Түз эфир
  • USD84.5191
  • EUR100.5101
  • RUB1.1547
Видео

Атам мага ишенген эмес! Галкинди таң калтырган Албанали төгүлүп-чачылып маек берди

Кыскача шилтеме алуу
970620
© Sputnik / Нурис Алымбаев

Максим Галкиндин "Лучше всех" шоусуна катышып келген Албанали Алим уулу Sputnik Кыргызстан агенттигинин коногу болду. Таланттуу жеткинчек Галкин менен болгон кызыктуу окуяларды жана жаныбарлар дүйнөсүнө кантип аралашып калганы туурасында айтып берди.

Жети жаштагы Албанали Каракол шаарында 2-класста окуйт. Үй-бүлөдө беш бир туугандын кичүүсү. Атасы Алим Малдыбековдун айтымында, уулунун эч нерседен тартынбаган ачык-айрым мүнөзү ийгиликтерге жетүүгө өбөлгө болгон. Ошондой эле мультфильмдерден таасирленип айбанаттарга кызыга баштаган.

"Мен эки жашымдан баштап "Вспыш и чудо машинки", "Фиксики" сыяктуу мультфильмдерди көрүп жүрдүм. Төрт жашка чыкканымда мага жаныбарлар туурасында китеп сатып беришкен. Ошондон кийин кызыгуум күч алды. Башында көргөндөрүмдү апама айтып берээр элем. Ал эми атам анча ишене бербеди. Азыр болсо толугу менен ишенип калды", — деди Алим уулу.

Албанали айбанаттардан сырткары, космос, жер планетасы, күн жели жана баатырлар туурасында үйрөнүүгө далалаттанып жүрөт. Ал эми келечекте зоолог болууну кыялданат.

"Эфирге тартылып жатканда күлкүлүү сүйлөп, күлкүлүү кыймылдарды жаса дешти. Негизи эле мен жашоодо шайыр баламын. Болгондо да шайырлардын "бомбасымын". Анан анаконда тууралуу айтып жатканымда Галкин аябай коркуп кетти. Ал үчүн абдан коркунучтуу болду окшойт. Баса, ал жактан да Андрей деген бала менен достошуп кайттым", — деди өнөр ээси.

Кыргызстандык жеткинчек тартылган эфир "Биринчи каналдан" 10 декабрда көрсөтүлгөн. Анда ал Галкинге ак калпак кийгизип, жаныбарлар туурасында кызыктуу фактыларды айтып берген.

Тема боюнча

Караколдук жеткинчек Галкинге ак калпак кийгизди. “Лучше всех” шоусунун видеосу
Соцтармак кызыктары: Галкинди бийлеткен Нурпери, милиционер "Роналду" байке
Белгилер:
"Лучше всех" шоусу, жеткинчек, жаныбарлар, Албанали Алым уулу, Каракол

Дагы видео

ЭҢ МААНИЛҮҮ