Германиянын Хайде шаарынын тургундарына жапайы камандар кол салып, төрт адам жабыркады. Бул тууралуу РИА Новости билдирди.
20 Тогуздун айы 2017, 09:39
Камандардын кол салуусу видеого түшүп калган. Анда көрүнүп тургандай, жапайы жандык көз айнектер салонуна кирип барганда, кызматкерлердин баары жашынууга аргасыз болгон.
Кийинчерээк дагы бир каман жергиликтүү банкка кирген. Аны жок кылуу үчүн полиция кызматкерлери мергенчиге кайрылууга аргасыз болушкан. Ал эми экинчи каман качып кетүүгө үлгүргөн. Мындан улам бийлик жергиликтүү тургундарга үйдөн чыкпоону суранган. Бир нече сааттан кийин каман шаар сыртына чыгып кеткен.
NDR радиостанциясынын маалыматына ылайык, каман жабыркаган адамдардын биринин манжасын тиштеп алган.
