Бишкектин жанындагы Ново-Павловка айылында машина кишини коюп кетип, ал кырсык болгон жерден мерт кеткен.
Күбөнүн айтымында, окуя 20-сентябрда болжол менен саат 21:00дөр чамасында болгон. Honda Accord үлгүсүндөгү машина чыгышты карай кетип баратып, жолдон кишини коюп кеткен.
"Кырсык болгон жерде жарык жок. Машиналардын жарыгынан жолдун четинде турган кишилерди көрүү кыйын. Кээде көрүнбөй да калат. Андыктан бул аймакта жашаган кишилер менен айдоочулар кечкисин абайлашса жакшы болот эле", — деди күбө.
Аталган факты боюнча Кайгуул милициясы менен байланышып, түшүндүрмө алууга мүмкүн болгон жок.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
