Кыргызстанга ашык болгон Гутерриш. БУУ башчысы Атамбаев менен жолукту

Жазылуу
Бишкектеги "Ала-Арча" мамлекеттик резиденциясында КР президенти Алмазбек Атамбаев Бириккен Улуттар Уюмунун башкы катчысы Антониу Гутерриш менен жолукту.

Атамбаев БУУнун башкы катчысын кайрадан көрүп жатканына кубанычта экенин айтты.

"Ошко боло турчу сапарыңыз ийгиликтүү болот деп ойлойм. Акыркы жети жылда ал жак кандай өзгөргөнүн өз көзүңүз менен көрөсүз", — деди Атамбаев.

Өз кезегинде Гутерриш Кыргызстанга болгон сапары өзгөчө мааниге ээ экенин айтты.

"Албетте, мен бардыгы менен тыгыз байланышты сактаганга далалат кылам, бирок, Кыргызстан менен мени достук мамиле байланыштырып турат. Бул мамиле мен БУУнун качкындар боюнча жогорку комиссары болуп иштей баштаганда эле башталган. Анда биз сиздердин өлкө жетекчилиги менен жакшы иштерди жасай алдык. Ошондон бери менде Кыргызстан тууралуу жакшы ой калыптанган", — деди ал.

Гутерриш Атамбаев менен жолуккандан кийин "Таза Коом" конференциясына катышып, андан соң Ошко сапар алат.

Жаңылыктар түрмөгү
0