Албек Ибраимов "Дыйкан" базарынын айланасындагы чырга түшүндүрмө берди

Жазылуу
Эске сала кетсек, шаардык мэрия түшкөн арыздардан улам "Дыйкан" базары жабылаарын билдирген.

Калаа башчысы Албек Ибраимов шаардагы "Дыйкан" базары иштеп жатканын айтып, анын айланасында түзүлгөн кырдаал боюнча маалымат жыйында түшүндүрмө берди.

Эске сала кетсек, шаардык мэрия түшкөн арыздардан улам "Дыйкан" базары жабылаарын билдирген. 

"Дыйкан базары боюнча айтсам, жайында Ленин районунун акими менен атайын кыдырганбыз. Антисанитардык абалы боюнча бир топ арыздар түшкөн. Ал жактагы автотыгындардын бат-баттан катталышы, машиналар үчүн шарт жок экени айтылган. Ошого байланыштуу Экологиялык техникалык коопсуздук боюнча мамлекеттик инспекция жана Санэпидкөзөмөл барып бир катар эскертүүлөрдү берген", — деди ал.

Депутат Рыскелди Момбеков - Sputnik Кыргызстан
Радио
Рыскелди Момбеков: "Дыйкан" базарын жабууга жеке адамдар кызыкдар
Ага ылайык, базардын жетекчилиги айтылган мүчүлүштүктөрдү жоюшу керек болчу. Бирок айрым ири маселелер жоюлбай калганын мэр айтты.

"Өрт коопсуздугу боюнча маселе актуалдуу бойдон калууда. Себеби базардын жанында нефтебаза бар. Ал жакын арада чечиле койбойт. Азыр "Дыйкан" базары иштеп жатат, айтылган нерселерди жойгонго убакыт керек", — деди Ибраимов.

Учурда мэрия базарды ижарага алган жоопкерчилиги чектелген уюм менен иш алып барууда. Ошондой эле ал жерде соода кылган адамдарга эч кандай тоскоолдук жоктугун шаар мэри кошумчалады.

Жаңылыктар түрмөгү
0