Бишкекте токтоп турган Япониянын радиоактивдүү унаалары эмне болот?

Жазылуу
Ууланган унааларды ким кайтарат жана булардын мындан аркы абалы эмне болот? Бул туурасында Sputnik Кыргызстан билип көрдү.

Ала-Тоо аянтындагы радиация ТЭЦтин таштанды жайына караганда жогору — дозиметр чени
"Аламүдүн-1" кичирайонунда "Түндүк" темир жол бажысынын жанында радиациясы жогору болгон 183 автоунаа токтоп турат. Унаанын радиациялык көрсөткүчү 25,5 микрозивертти түзүшү керек, бирок булардыкы андан бир канча жогорку көрсөткүчтү көрсөтүүдө.

Мамлекеттик бажы кызматынын бажы объектилер боюнча мамлекеттик ишканасынын төрага орун басары Кубаныч Кожокуловдун айтымында, унааларды зыянсыздандыруу боюнча долбоорго токтом чыккан. Ал азыр өкмөттүн кароосунда.

"Унаалар зыянсыздырылгандан кийин радиациясы саатына 25,5 микрозиветке түшсөө, аларды колдонууга болот", — деди Кожокулов. 

Кыргызстандын авторынгондагы абал - Sputnik Кыргызстан
Унаа базары: Porsche кантип бустан арзан болуп калды
Радиациясы күчтүү унааларды көзөмөлүнөн чыгарбоо максатында бул жайды күнү-түнү үч адам кайтарууда.

Япониядан келген радиоактивдүү унааларды зыянсыздандыруу долбоорун Айлана-чөйрөнү коргоо агенттиги иштеп чыккан. Аталган агенттиктин башчысы Байгабыл Төлөнгүтовдун айтымында, зыянсыздандыруудан чыккан радиоактивдүү таштандылар Бишкектен алысыраак жерлерге көмүлөт.

"Бизде радиоактивдүү таштандыларды көмүп, унааны зыянсыздандырган атайын адистер бар деген пункт иштейт. Азыр буга даярдануу иштери жүрүүдө, баарын көзөмөлдөп жатабыз", — деди Төлөнгүтов.

Бажы көзөмөлүнүн кызматкерлери түшүндүргөндөй унаалар зыянсыздырылгандан кийин кайрадан кароодон өткөрүлөт.

Радиацияны зыянсыздандыруу — уулуу заттарды ар кыл объектилерден (имараттар, курулуштар, азык-түлүк, курал-жарак, суу, жабдуулар) алып салуу дегенди түшүндүрөт.

Кыргызстанга унаалар кайдан келет: машина импортунун тарыхын Sputnik Кыргызстан инфографикасынан көрүңүздөр>>

 

Жаңылыктар түрмөгү
0