Президент: 2-3 жылда ЕАЭБ рыногун ээлейбиз

Жазылуу
Алмазбек Атамбаев Чолпон-Атадагы маалымат жыйыны учурунда ЕАЭБ рыногун ээлөө боюнча кандай аракеттер көрүлүп жатканын айтып, коңшу мамлекет эмнеге жардам бербей жатканын түшүндүрүп берди.

Президенттин айтымында, буга чейин мамлекеттердин бири курулуш иштери жана ветеринардык, фитосанитардык лабораторияларды жабдуу үчүн каражат бөлүүгө убада берген.

"Бир да тыйын бөлбөстөн шлагбаум коюп коюшту. Бул — жаман жорук, бирок факт. Шлагбаум бизге керек имиш. Азыркы премьер-министр абалды түшүнүп, лабораториялар үчүн каражат тапты. Учурда курулуш кызуу жүрүп жатат. Биз тараптан болчу атаандаштыктан коркуп, убадасына турбай койгондой сезилет", — деди Атамбаев.

Президент Кыргызстан ЕАЭБ рыногуна кирерине ишеними күч экенин белгиледи.

"Эки-үч жылдын аралыгында биз мыкты позицияны ээлейбиз", — деди ал. 

Эскерте кетсек, Кыргызстан ЕАЭБге өткөн жылдын август айында кирген.

Атамбаевдин журналисттер менен болгон маегин Sputnik Кыргызстан агенттиги даярдаган материалдан окуңуз>>

Жаңылыктар түрмөгү
0