Чаламандын чак түшүндө эркек киши бычак такап, баланын баштыгын жулуп кеткен

Жазылуу
Эки бала аларга кол салган кишини алгач өздөрүнүн күчү менен кармаганга аракет кылышкан, бирок алы жетпегенин билгенден кийин милиция чакырышкан. Шектүү сегиз мүнөттөн кийин кармалган.

Бишкекте эки балага кол салган эркек киши кармалды деп кабарлады Бишкектин Кайгуул милициясынын башкармалыгы. 

"Окуя болгондон кийин көп өтпөй эле Жалал-Абад облусунун 40 жаштагы тургуну кармалды. Ал эки балага чак түштө, болжол менен саат үчтөрдө Юнусалиев проспектисинде жайгашкан Beta Stores дүкөнүнүн жанынан кол салууга шектелүүдө",— деп билдиришти милициядан. 

Ал кишинин көзү эки баланын баштыгындагы эки миң сомго түшкөн. 

Саратовдо айдоочу жүргүнчүгө майда акча кайтарганы үчүн бычак жеди
Эки бала аларга бычак такаган кишини алгач өздөрүнүн күчү менен кармаганга аракет кылышкан, бирок алы жетпей турганын билгенден кийин милиция чакырышкан. Бишкектин Кайгуул милициясынын кызматкерлери үч мүнөттүн ичинде жетип келишкен. Ал эми сумканы алып качкан киши беш мүнөткө жетпей кармалган. 

Кармалган жаран мурда соттолбогондугун айткан. Колго түшкө учурда мас болгон. 

Материалдар Октябрь райондук ИИБине берилди. Милиция бул кишиге карата Кылмыш Кодексинин эки беренеси менен иш козголуп, анын негизинде беш жылга эркинен ажыратылышы мүмкүн экендигин билдирди.

Жаңылыктар түрмөгү
0