Баткен: мындан төрт миң жыл мурда ташка чегилиши мүмкүн деген тарыхый эстеликтер табылды

Жазылуу
Баткен шаарынын Түндүк батыш тарабындагы Кызыл-Жол кварталынын "Эгиз-Кара-Тоо" аймагында аскадагы таштарга чегилген байыркы сүрөттөр табылды. Учурда аймакты тосуп, камкордукка алуу маселеси көтөрүлүүдө.

Аймакты учурда Баткен мамлекеттик университетинин доценти, тарых илимдеринин кандидаты Абдинаби Кадыров баш болгон тарыхчылар жана студенттер изилдеп жатышат. 

Петроглифы урочища Саймалуу-Таш - Sputnik Кыргызстан
Ачык асман алдындагы табышмактуу Саймалуу-Таш
Тарыхчы Кадыров тоонун айланасындагы бул таштарга ар кыл жаныбарлардын, адамдардын жана көп жерде күндүн сүрөттөрү түшүрүлгөндүгүн айтып берди.

Анын айтымында, мындай таштагы тарыхый эстеликтер б.з.ч II жылга таандык деген гипотезалар айтылып келет. 

Таштарды алгач ирет БатМУнун студенти Талантбек Юсоев байкап, мектеп мугалимине жана кийинчерээк аталган университеттин тарыхчыларына билдирген.

Буга чейин жергиликтүү эл ташка чегилген бул тарыхый эстеликтердин баалуу табылга экендигине маани бербей, курулуш материал катары иштетип келген.

Юсоевдин айтымында, бул окумуштууларды кызыктыра баштаганда гана демилге көтөрүлүп, "Эгиз-Кара-Тоо" айланасы корукка алынганы жатат.

Жаңылыктар түрмөгү
0